Aqsý – metallýrgter men energetıkterdiń qalasy. Ferroqorytpa zaýyty men «Eýrazııalyq energetıkalyq korporasııa» AQ bizdiń qalamyzda ornalasqan. Elektr stansalary elimizdiń ońtústik oblystaryn elektr energııasymen qamtamasyz etedi. О́ndiristik qýatty arttyrý maqsatynda Aqsý ferroqorytpa zaýytynda №45 jáne №46 peshterge gaz tazartqysh qurylǵylaryn salý, №4, №6 sehtardy jańǵyrtý jumystary júrgiziledi. Al «Eýrazııalyq energetıkalyq korporasııa» AQ-taǵy kúl úıindisin shyǵarý, sıkldyq-aǵymdy keshendi salý jumystary jalǵasýda. Jáne de Aqsý JES-inde 5-shi energoblokty qaıta jańartý bastaldy. Sonymen qatar, Solvetka aýylyndaǵy elektrmen jabdyqtaý júıelerin qaıta jańartý úshin 35 mıllıon teńge bólý josparlandy.
О́ndiristi qalamyzda shaǵyn jáne orta bıznes, aýyl sharýashylyǵy salasy jaqsy damyp keledi. Shaǵyn jáne orta bıznestiń 3 myńnan asa nysany bar. Olar shyǵaratyn ónimderdiń úlesi oblys boıynsha jalpy ónerkásip ónimderi kóleminiń 28 paıyzyn quraıdy. Bul úshin Elbasy Joldaýynyń basym baǵyttaryn negizge alamyz. Máselen, «Qoljetimdi baspana-2020» baǵdarlamasy aıasynda jýyrda ǵana qaladaǵy eki 64 páterli úıdiń qurylysy aıaqtaldy. Inchhondaǵy XVII Azııa oıyndarynyń kúmis júldegeri Dáýlet Shabanbaıǵa eki bólmeli páterdi syıǵa berdik.
Bul kúnderi qalanyń aýyldyq aýmaǵyna qarasty Qalqaman aýylynda 300 oryndyq mekteptiń, Jolqudyq aýylynda dárigerlik ambýlatorııanyń qurylystary bastaldy. Qaladaǵy ortalyq aýrýhanaǵa 93 mıllıon teńge qarajat bólinip, kúrdeli jóndeý júrgizildi. Aýrýhanada dıalız ortalyǵy ashyldy, ol búıregi nashar naýqastardyń densaýlyǵyn jaqsartýǵa múmkindik beredi.
Joldaý aıasynan órbıtin barlyq jumystar halyqtyń áleýmettik jaǵdaıyn jaqsartýǵa baǵyttalǵan. Aqsýdaǵy avtokólik joldarynyń jalpy uzyndyǵy 384,4 kılometrdi quraıdy, onyń ishinde 139 kılometri – respýblıkalyq, 111 kılometri – oblystyq, qalǵany aýdandyq mańyzy bar joldar. Byltyr Úshterek aýylyna kireberis joldar jóndeldi. Aqsý men Pavlodar qalalary aralyǵynda Ertis ózeni arqyly jańa kópir salynýda. Shaǵyn qalany damytýdyń keshendi josparyna kóptegen nysandardyń qurylysy men qaıta jańartý sharalary engizildi. Onyń barlyǵy respýblıkalyq bıýdjet esebinen qarjylandyrylady.
Qalalyq jylytý qazandyǵyn salý, magıstraldik jáne kvartalaralyq jylý trassasyn, magıstraldik jáne kvartalaralyq sý qubyrlaryn qaıta jóndeý, qatty turmystyq qaldyqtar polıgonyn turǵyzý josparlanýda. Ortalyq jaǵajaıyn qaıta jańartý, qala joldaryn qaıta jóndeý, jaryqtandyrý obektilerin qaıta jańartý, Jolqudyq, Pogranıchnık aýyldarynyń sý qubyrlaryn qaıta jańartý sekildi sharalar bar.
Jýyrda «Qyzyljar-Qus» JShS qus fabrıkasy jumysyn qaıta bastady, onyń óndiristik qýaty jylyna 8 myń tonna etti quraıdy. Kásiporynda 240 adam jumys jasaıdy. Ekinshi joba boıynsha «PTSF DANıER» JShS negizinde jiksiz bolat qubyrlar óndiretin sehtyń qurylysy qolǵa alynýda. Sondaı-aq, qosalqy óndiris jáne seriktestik baǵdarlamasy boıynsha kásiporyndar men shaǵyn kásipkerlikter arasynda arnaıy kıimder tigý jáne jóndeý, qurylys jumystary, avtokólik qyzmetteri, kókónis jáne sút ónimderin jetkizý jóninde birigip qyzmet isteý kelisimsharttary jasaldy. Byltyr turǵyndar «Jumyspen qamtýdyń jol kartasy-2020» baǵdarlamasy boıynsha 50 bas sıyr men bir asyl tuqymdy buqa, «Sybaǵa» baǵdarlamasy boıynsha 4 asyl tuqymdy buqa men 33 sıyr satyp aldy.
Aqsý qalasy men qalanyń aýyldyq aýmaqtarynda 70 myńǵa jýyq halyq tursa, onyń 44 myńy qalany, qalǵandary negizinen 11 aýyldyq aýmaq quryp otyrǵan 40-qa jýyq aýyldardy mekendeıdi. Aýyldyń qalaǵa, qalanyń aýylǵa qarasatyn ózara baılanystary jaqsy jolǵa qoıylǵan.
Qaırat NÚKENOV,
Aqsý qalasynyń ákimi.
Pavlodar oblysy,
Aqsý qalasy.
sýret: http://zholdau.kz