ASTANA. 25 naýryz. Fransııanyń ońtústiginde keshe apatqa ushyraǵan Germanwings áýe kompanııasy ushaǵy kezdeısoqtyqtyń áserinen qaıǵyly jaǵdaıǵa tap bolǵan. Lufthansa avıakompanııasy vıse-prezıdenti Haıke Bırlenbah (sýrette ortada) seısenbi kúni osyny málimdedi. Bul týraly Interfax habarlady.
«Qazirgi sátte biz bul jerde kezdeısoq baqytsyz jaǵdaı oryn alǵan dep esepteımiz, qalǵan boljamdardyń bári alyp-qashpa sóz bolyp shyǵar edi», - dedi ol Barselonadaǵy «El-Prat» aeroportynda jýrnalısterge.
Budan aldyn Germanııa bıligi laıner bortynda terakt bolǵanyn baıqatatyn aıǵaqtyń joq ekenin jarııalaǵan edi. Fransýzdyń avıaapattar jónindegi sarapshysy Robber Galan sondaı-aq meılinshe yqtımal boljamnyń aýa raıy jaǵdaıynyń kúrt nasharlap ketýi nemese pılottyń qateligi bolyp tabylatynyn málimdegen bolatyn.
Murat Aıtqoja.
Mánbe, sýret: Interfax.