О́ŃIRDIŃ EŃ ÚZDIK DÁRIGERI

ATAǴYN IELENGEN TALǴARLYQ AQ HALATTY ABZAL JANǴA EKI BО́LMELI PÁTER KILTI TAPSYRYLDY “Salamatty Qazaqstan” 2011-2015 jyldarǵa arnalǵan baǵdarlamasyn kópshilik talqylaýyna usynylýy tegin emes. О́ńirde osyǵan oraı alǵa qoı­ǵan mindetter aýqymdy jáne ony iske asyrýǵa múm­kindik pen áleýet jetkilikti deýge bolady. Osy­laısha halyqqa kórsetiletin medısınalyq qyz­mettiń álemdik standarttarǵa saı jáne qol­je­timdiligin qamtamasyz etý jaıyna nazar aýdarylýda. Sońǵy eki jylda eki oblystyq aýrýhanada sa­nı­tarlyq avıasııa bólimderi, Taldyqorǵanda áıel­der konsýltasııasy, balalar emhanasy men kar­dıohırýrgııa bólimderi ashylyp, kópshilik tala­by oń sheshilgenin aıtýǵa bolady. Sondaı-aq, “100 mektep, 100 aýrýhana” baǵdarlamasy boı­yn­sha óńirdegi alty mekemeniń qurylysy júrgizilse, onyń tórteýi bıyl paıdalanýǵa berilmek. Olar­dyń qatarynda Talǵar, Eńbekshiqazaq ortalyq aýdandyq aýrýhanalary, О́tegen batyr kentindegi aımaqtyq balalar aýrýhanasy, Alakól aýdany Dostyq kentindegi aýyldyq aýrýhana halyq ıgiligine qyzmet etedi. Sondaı-aq “Jol kartasy” baǵdarlamasymen 43 emdeý mekemesine 1,3 mlrd. teńgege kúrdeli jóndeý qolǵa alynyp, qurylys jumystaryna 1633 adam tartylyp, bólingen qarjynyń deni ıgerilipti. Ana men bala densaýlyǵyn qorǵaý jolynda da keshendi sharalar qolǵa alynyp, jańa týǵan nárestelerdiń ómirin saqtaý maqsatynda oblys bıýdjetinen bólingen qarjyǵa asa qajetti 30 SIPAP, 73 kıývez, 30 ókpege jasandy dem bere­tin apparat pen medısınalyq qural-jabdyqtar alynǵan. Dárigerlerdiń kásibı biliktiligin jetil­dirý maqsatyndaǵy jumystardyń tııanaǵyn kel­ti­rýge de bar múmkindik jumyldyrylǵan. Nátı­je­sinde aýyldyq jerde eńbek etetin medısına qyz­metkerlerine jergilikti bıýdjetten kom­mýnal­dyq qyzmet shyǵyndaryn óteýge 25 paı­yzdyq ótemaqy tólense, sońǵy eki jylda ǵana emdeý mekemelerine qosymsha bes myńǵa jýyq shtat birligi alynǵany da qýanyshty. Salany bilikti mamamandarmen tolyqtyrýdyń bir joly jas kadrlardy tartý jáne olardy turǵyn úı, jer telimderimen qamtamasyz etý máselesi de jolǵa qoıylǵan. Qazirgi kezde oblys ákiminiń arnaıy grantymen 68 stýdent joǵary oqý oryndarynda dárigerlik mamandyqqa oqytylsa, jumysqa kelgen 52 jas dárigerge páter berilip, jumys isteýine jaǵdaı jasalǵan. Oblys ákiminiń tikeleı qoldaýymen bıyl halyqtyń densaýlyǵyn kúzetýde meıirim shýaǵy, aıaly alaqanymen qyzmet atqarǵan dárigerler arasynda oblystyq baıqaý jarııalanyp, túpki maqsat jolyndaǵy jumys saralanǵan edi. Medı­sına qyzmetkerleriniń tól merekesi qarsańynda onyń qorytyndysy shyǵaryldy. Júzdegen árip­testeriniń arasynan talǵarlyq terapevt-dáriger Bekzat Alpamyshova “Oblystaǵy eń úzdik dáriger” ataǵyna ıe bolyp, oǵan oblys ákimi Serik Úmbe­tov Taldyqorǵan qalasynan eki bólmeli páterdiń kiltin saltanatty jaǵdaıda tapsyrdy. Budan keı­ingi orynǵa Taldyqorǵan qalalyq emhanasynyń dárigeri Ǵalııa Qojahmetova ıe bolyp, mereı­lendi. О́zge de óz isiniń maıtalmandary marapat­talyp, eńbekteriniń óteýin kórdi. Baıqaý dárigerlerdiń kásibı biliktiligin, qa­biletin, emdelýshilerge qyzmet kórsetýdegi um­ty­ly­sy men eńbegine jol ashatynyn taǵy bir baıqatty. Kúmisjan BAIJAN, Almaty oblysy.