Jýyrda Táýelsizdik saraıynda Sýretshiler odaǵynyń uıymdastyrýymen «Nurly Jol belesteri» atty kórme óz jumysyn bastap ketti. Bir aıǵa jýyq jalǵasatyn bul kórmege astanalyq qylqalam sheberleriniń týyndylary men zergerlik buıymdary qoıylyp otyr.
Ondaǵy basty maqsat – «Nurly Jol» baǵdarlamasyn qoldaý jáne Memleket basshysy N.Nazarbaevtyń Qazaqstan halqyna Joldaýyndaǵy: «Otandy súıý – babalardan mıras bolǵan uly murany qadirleý, ony kózdiń qarashyǵyndaı saqtaý, óz úlesińdi qosyp, damytý jáne keıingi urpaqqa amanat etip, tabystaý degen sóz. Barsha qazaqstandyqtardyń jumysynyń túpki máni – osy!» – degen sózin beıneleý óneri salasynda júzege asyrý.
Qylqalam sheberleriniń kórkemdik, grafıkalyq jáne sándik-qoldanbaly jumystary qazirgi shyǵarmashylyq úrdisterdiń yqpalynda kórinis tapqan. Týyndylardyń túrli stıldik jáne janrlyq jaǵynan oryndalýy – Qazaqstan sýretshileri shyǵarmashylyǵynyń izdenimpazdyǵyn aıqyn kórsetedi. «Nurly Jol» baǵdarlamasyna degen eń úzdik qoldaý jańa ekspozısııadaǵy ulttyq ónerdi mádenı sáıkestendirý barysynda beınelenedi.
Kórmege tanymal qazaqstandyq sýretshiler qatysýda.
Kórme elorda qonaqtary men turǵyndaryn ózderiniń tamasha eńbekterimen bir aı boıy qýantatyn bolady.
Raýshan TÁÝIRHANQYZY,
ASTANA.