ASTANA. 26 naýryz. Túrikmenniń kórnekti jazýshysy Gara Seıtlıevtiń týǵanyna bıyl 100 jyl tolyp otyr. Bul týraly «Hronıka Týrkmenıstana» habarlady.
Belgili aqyn jáne dramatýrg Gara Seıtlıev qazirgi zamanǵy túrikmen poezııasynyń negizin qalaýshylardyń biri bolyp tabylady. Ústimizdegi jyly onyń týǵanyna júz jyl tolady. Onyń poezııasynyń janashyrlary men jerlesteri aqynnyń bul mereıtoılyq kezeńin atap ótýge daıyndalyp jatyr.
Seıtlıev 1915 jyly Baharden aýdanyndaǵy Garagan qyshlaǵynda týǵan. Ol bastaýysh bilimdi aýyl mektebinen alady. Sosyn Ashhabadtaǵy pedagogıkalyq tehnıkýmdy bitiredi. Ony aıaqtaǵannan keıin Ashhabad pen Kızıl-Arvatta muǵalim bolyp isteıdi. Keıinirek Bakýge baryp, Lenın atyndaǵy pedagogıkalyq ınstıtýtynyń fılologııa fakýltetine túsedi. Al 1941 jyly oqýdy bitirip, Ashhabadqa oralady. Soǵys jyldarynda óner salasyndaǵy repertýar komıssııasynyń bastyǵy bolyp qyzmet etedi. Soǵystan keıin Jazýshylar odaǵyna keńesshi bolady. Keıin odaqtyń tóraǵasy bolyp saılanady. Budan keıingi jyldary ol ómiriniń sońyna deıin mádenıet mınıstri bolady.
Seıtlıev eń alǵashqy óleńderin 1938 jyly «Sovet ádebııaty» jýrnalynda jarııalaıdy. Sosyn alǵashqy jyr jınaǵy shyǵady. Aqynnyń lırıkalyq óleńderi 1941 jyly basylady. Onyń qalamynan «Halqym», «Sulý Moskvam», «Qaharman Maı» dep atalatyn belgili óleńderi týady.
Gara Seıtlıev tek aqyn ǵana emes, dramatýrg retinde tanyldy. Onyń pesasy boıynsha Mollanepes atyndaǵy teatr sahnasynda kóptegen spektaklder qoıyldy.
Jazýshy 1971 jyly 2 mamyrda ómirden ótti.
О́kinishke oraı, táýelsizdik jyldarynda Seıtlıevtiń shyǵarmashylyǵy umyt qaldy, kitaptary qaıta basylǵan emes.
Murat Aıtqoja.
Mánbe, sýret: Hronıka Týrkmenıstana.