ASTANA. 26 naýryz. Ýkraına prezıdenti Petr Poroshenko keshe túnde Kıevtiń Borıspol aeroportynda AQSh áskerı-kólik ushaǵymen jetkizilgen armııaǵa arnalǵan jolsyz jerdiń kólikterin jeke baryp kútip aldy. Bul týraly Vestı.Ru habarlady.
Ýkraına prezıdentiniń baspasóz hatshysy Svıatoslav Segolkonyń Twitter-degi óz akkaýntyna jazǵan habarlamasyna súıenip, aqpar taratqan agenttik Amerıkanyń Humvee áskerı kólikterine Poroshenkonyń qatty qýanǵanyn baıandaıdy.
«Prezıdent alǵashqy 10 Humvee kóligin ózi kútip aldy. Bular óte kúshti jáne bizdiń armııamyz úshin óte paıdaly mashınalar eken», - dep atap ótedi Segolko.
Amerıka bronevıkteriniń janynda sóz sóılegen ýkraın prezıdenti AQSh-tyń Reseıdi basqynshy retinde tanyǵany úshin Vashıngtonnyń jeke ózine alǵys aıtty.
«Ýkraınanyń prezıdenti retinde, bas qolbasshy retinde Ýkraına halqynyń atynan AQSh-qa Donbastaǵy shıelenisti retke keltirý turǵysynda júıeli jáne qatań pozısııa ustaǵany úshin alǵys aıtqym keledi. Qyrymdy basyp alǵan, Donesk jáne Lýgansk oblystarynyń jekelegen aýdandarynda tikeleı áskerı agressııa júrgizip otyrǵan Reseıdi basqynshy retinde tanyǵany, bizdiń AQSh-taǵy dostarymyzdyń bastamashyldyǵy men sanksııa máselesindegi tabandylyǵy úshin», - dep málimdedi Poroshenko túnniń jarymynda bronevıkterdiń qalqasynda turyp.
Murat Aıtqoja.
Mánbe, sýret: LifeNews.