Batys Qazaqstan oblysynda sot óndirisine keń jarııalylyq berýdi kózdeıtin baǵdarlamanyń tusaýy kesildi. Budan turǵyndar sot isterine qatysty aqparat-anyqtamalarmen egjeı-tegjeıli tanysa alady. Iаǵnı, oblystyq sottyń veb-saıty arqyly kez kelgen adam sot óndirisine túsken isterdiń qaralatyn merzimin, qorytyndy qujattar men is qaýlylaryn sotqa kelmeı-aq ınternet jelisi arqyly tanysyp otyrmaq.
– Atalǵan baǵdarlamanyń buǵan deıingi tájirıbemen salystyra qaraǵanda úsh túrli artyqshylyǵyn atap kórsetýge bolady. Birinshiden, bul qaǵazbastylyqty azaıtyp, sot qyzmetkerleriniń jumysyn ájeptáýir jeńildetedi. Ekinshiden, shalǵaı aýdan turǵyndary ózderine qajetti aqparat alý úshin tekke jol shyǵyny men azabyn tartpaıdy. Eń bastysy – jańa baǵdarlama arqyly sot isteriniń ashyqtyǵy men jarııalylyǵyna jol ashylyp otyr, – dep málimdedi gazet tilshisine Batys Qazaqstan oblystyq sotynyń baspasóz hatshysy Amangeldi Shahın.
Sondaı-aq, oblystyq sot ǵımaratynyń birinshi qabatyna qoıylǵan ǵalamtor baılanysy arqyly da azamattar ózderine qajetti aqparattardy taba alady.
Temir QUSAIYN, ORAL.