AQTО́BE. 26 naýryz. Qazaqstan Respýblıkasy Ishki ister mınıstrliginiń bekitilgen kestesine sáıkes jáne Naýryz meıramy qarsańynda kósheler men qoǵamdyq jerlerdegi tártipti saqtaý maqsatynda 17-19 naýryz aralyǵynda oblys aýmaǵynda «Quqyqtyq tártip» jedel-profılaktıkalyq is-sharasy júrgizildi. Bul týraly egemen.kz tilshisi habarlady.
Oblys boıynsha qoǵamdyq tártipti qorǵaýǵa 1 000-nan astam qyzmetker, ishki ásker bólimsheleri, muǵalimder jáne zań ınstıtýtynyń tyńdaýshylary, quqyq qorǵaý baǵytyndaǵy qoǵamdyq qurylymdardyń músheleri, sondaı-aq, 170 birlik avtokólik tartyldy. Jedel-profılaktıkalyq is-sharanyń úshinshi kúni oblys boıynsha 63 qylmys tirkeldi. Polısııanyń keshendi kúshimen 28 qylmystyń «izi sýymaı» ashyldy. «Nóldik tózimdilik» tártibimen 3 000 ákimshilik quqyq buzýshylyq anyqtaldy, onyń ishinde usaq quqyq buzýshylyqtyń 180, ishimdik ishý jáne qoǵamdyq jerlerde mas kúıinde júrýdiń 285, kámeletke tolmaǵandardyń zańdy ókilinsiz júrýiniń 51 deregi tirkeldi. Sondaı-aq, QR kelý erejesin buzǵan 104 adam jáne jol qozǵalysy erejesin buzǵan 2 167 júrgizýshi anyqtaldy. Onyń ishinde kólikti mas kúıinde júrgizgen 49 júrgizýshi tirkeldi.
Satybaldy Sáýirbaı.
Derek: egemen.kz.
Sýret: life24.kz.