2003 jyly veb-dızaınǵa áýestenip júrgen mektep oqýshysy Maık Roý «mikerowesoft.com» degen domendi tirkeıdi. Domen ataýy dybystalý jaǵynan «Microsoft» ataýyna óte uqsas bolǵandyqtan, korporasııa ony taýar belgisin zańsyz paıdalandy dep sotqa beredi.
О́temaqy retinde kompanııa bastapqyda nebári 10 dollar – domendi tirkeýge ketken aqshany ǵana usynady. Osy usynys qoǵamda úlken narazylyq týǵyzyp, buqaralyq aqparat quraldary Maıktyń jaǵyna shyǵady. Qarapaıym oqýshy men alyp korporasııa arasyndaǵy tartys jurtqa ádiletsiz kórinedi. Aqyry is sotqa jetpeı sheshiledi. Kelisim boıynsha Maık domendi «Microsoft»-qa beredi. Al ol onyń ornyna «Xbox» oıyn qurylǵysyn, otbasymen birge korporatıvtik festıvalge joldamany, «Microsoft Certified Professional» baǵdarlamasy boıynsha tegin kýrs alady.