KО́KShETAÝ. 26 naýryz. Aqmola oblysynda aýdandyq ishki ister bóliminiń tergeýshisi óziniń kabınetinde otyryp, tabeldik qarýmen atylyp óldi. Bul týraly oblystyq ishki ister departamentiniń deregine súıengen egemen.kz tilshisi habarlady.
«Aqmola oblysynda ishki ister bóliminiń tergeýshisi kezekshilikte otyrǵanynda atylyp óldi», - delingen habarlamada.
Oqıǵa 24 naýryz kúni Aqmola oblysy Selınograd aýdandyq ishki ister bóliminde oryn alǵan. Osynda 24 jastaǵy tergeýshi áıel ózine ózi qol jumsaǵan.
«Tergeýshi kezekshilik kezinde óziniń kabınetinde tabeldik qarýmen atylyp qalǵan», - delingen habarlamada.
Selınograd aýdandyq ákimdigindegiler marqumnyń óler aldynda jazyp ketken haty bar ekenin aıtty. Ákimdiktegilerdiń aldyn ala boljamy boıynsha, sýısıdke áıeldiń otbasyndaǵy janjaly sebep bolǵan sııaqty.
«Atalǵan fakt boıynsha tergeý amaldary jasasyp jatyr. Oqıǵa ornynda komıssııa jumys jasaýda», - degendi qosty buǵan ákimdiktegiler.
Baqbergen Amalbek.
Mánbe: Aqmola oblysy, Selınograd aýdandyq ákimdigi.