AQTAÝ. 26 naýryz. Aqtaýda qalalyq prokýratýrasy men krımınaldyq polısııa qyzmetkerleri birlesip júrgizgen tekserý reıdi kezinde zańsyz oıyn avtomattary zaly anyqtaldy. Bul týraly lada.kz tilshisi habarlady.
Oıyn zaly qaladaǵy «Melovaıa» stansasy mańyndaǵy «Dana» sýpermarketi qurylys aýlasynyń jertólesinen tabylǵan. Esigi myqty bekitýli jáne qosymsha torlarmen qymtalǵan aýmaqqa kirý múmkin bolmaǵandyqtan, OMON qyzmetkerleri tereze arqyly kirgen. Esikti ashýdy odan ári qıyndatqan oıyn zaly kúzetshisiniń kiltti eden jýatyn sý turǵan shelekke salyp jiberýi sebep bolǵan.
Oıynhananyń ıesi kim ekendigin aıtýdan alǵashynda bas tartqan zal ákimshiligi bul qylyǵynyń qylmysty uıymdastyrýshy retinde tanylatyndyǵyn bilgen soń, kelisimge kelgen. Aıtýynsha, bul kásip oıyn bıznesine tyıym salynǵan 2011 jyldan bastap júrgizilip keledi eken. 36 oıyn avtomaty men 6 oıynshy quryqtalǵan zaldyń jumysy búginde toqtatyldy. Qazir osyǵan qatysty qylmystyq is qozǵalǵan. Al oıyn avtomattary joıylatyn bolady.
Gúlaıym Shyntemirqyzy.
Derek, sýret: lada.kz.