Álemdegi eń qymbat aýksıondyq kitap rekordy «Bay Psalm Book»-qa tıesili. Bul – Zabýrge qatysty dinı kitap. Muny ıslamda Dáýit paıǵambarmen baılanystyrady.
Bul kitap 2013 jylǵy 26 qarashada Nıý-Iorktegi «Sotheby’s» aýksıonynda 14 165 000 dollarǵa satylyp, baspa kitaptary ishinde aýksıondaǵy eń joǵary baǵany kórsetti. Baǵasynyń sharyqtaý sebebi de bar. Atalǵan kitap 1640 jyly qazirgi AQSh aýmaǵynda basylǵan alǵashqy kitap sanalady. Bastapqyda 1700 dana ǵana shyqqan, al búginge 11 danaǵa jýyq kóshirmesi jetken.