ASTANA. 26 naýryz. Almaty oblysy Qapshaǵaı qalasynda 17-20 naýryz aralyǵynda uıymdastyrylǵan Face of Central Asia sán saıysynda Astananyń 16 jasar qyzy Innara Iýsýpova bas júldeni jeńip aldy. Bul týraly CA-NEWS.kz habarlady.
Saıysta Qazaqstan, О́zbekstan, Qyrǵyzstan elderiniń atynan barlyǵy 42 arý óner kórsetti.
Baıqaý on jyldan beri uıymdastyrylyp kele jatqan Azııa festıvaliniń aıasynda ótkizildi.
Shara qorytyndysy boıynsha 13 model tańdap alyndy. Endi olar ústimizdegi jyldyń 19-25 sáýir aralyǵynda Seýlde (Ońtústik Koreıa) ótetin Asia model Awards atty halyqaralyq festıvalǵa qatysady.
Joldybaı Bazar.
Derek, sýret: CA-NEWS.kz.