Aqpan – jyldyń da, qystyń da sońǵy, eń qysqa aıy. Bulaı shegelep aıtýymyzda úlken sebep bar. Qazirgi qoldanystaǵy kúntizbeniń boıymyzǵa ábden dendep sińip alǵandyǵynan ba, jyl basy naýryzdan bastalatynyn ishteı bilsek te, ony is júzinde moıyndaı almaı kelemiz. Nege?
О́tkende bir qarııa: «Sýyqtyń kókesi – aqpanda. Qystyń qaharyna minetin kezi de naq osy shaq. Ilgeride «Boz toqtyda quıryq qaldy, boıjetkende buǵaq qaldy, qyrlan, aqpan qyrlan!» dep qańtar aqpanǵa tapsyryp ketedi eken», – dep aıtyp otyrýshy edi. Jyldyń sońǵy aıy ǵoı, qalaı qubylsa da, minezine shydas berermiz», demesi bar ma? Alǵashqyda bir tosyn jańalyq estigendeı «Nege?» deýge shaq qaldym. Uıat - aı, jylqy jylyn jeltoqsanymen qosa «attandyryp» jibergenimizdi sońynan bilip, tilimdi tistep úlgerdim. Ázil-shyny aralas dep qarasaq, mezgilinen buryn tarıh qoınaýyna engen jylqy piri – Qambar atadan da yńǵaısyzdaý boldy.
Jasyratyny joq, aýyzsha aıtqanda da, jazbasha qujat toltyrǵanda da aqpan aıyn jyldyń ekinshi aıyna telip qoıǵanbyz. Moıyndaısyzdar ǵoı?! Bul bárimizge tanys jaǵdaı jáne ózgermeıtin qubylys sııaqtanyp turady maǵan. Qalaı degen kúnde de aqpan jyldyń 2-shi aıy retinde ózgerissiz qala bermek. О́ıtkeni, halyqaralyq tájirıbe solaı.
Armansyz adam joq. Keıde oılaımyn, qashan biz aqpandy jyl sońyna sanap, Shyǵys, onyń ishinde Qazaq eli úshin orny bólek kóktemmen kúle kiretin Ulystyń uly kúni – Naýryz merekesine qyzý qarbalas, erekshe daıyndyqpen (jeltoqsandaǵydaı) qam jasar ekenbiz dep. Sózimizdi tanymal jýrnalıst Beısen Quranbek sııaqty «Aıtýǵa ońaı» dep bitirgim-aq kelip tur, biraq soǵan azdaǵan talpynys, qozǵalys týsa ǵoı... Árıne, jabyla, jumyla kótersek, aıtylǵan dúnıe jerde qalmaǵan bolar ma edi, kim bilsin?
Raýshan TÁÝIRHANQYZY,
jýrnalıst.
ASTANA.
sýret : http://anatili.kz