ASTANA. 26 naýryz. AQSh-tyń Boston qalasynda bolǵan lańkestik oqıǵaǵa qatysty sot otyrysynda basty kúdikti Djohar Sarnaev pen onyń kolledjde birge oqyǵan dosy, Qazaqstan azamaty Dıas Qadyrbaevtyń telefon habarlamasy arqyly sóılesken áńgimesi jarııalandy. Bul týraly zakon.kz habarlady.
Áńgime jelisi tómendegideı órbigen:
Qadyrbaev: Sen jańalyqtardy kórdiń be?
Sarnaev: Iá, baýyrym, kórdim.
Qadyrbaev: Bul ras pa?
Sarnaev: Men jańalyqtardy kórdim... Endi maǵan jazba, meniń dosym LOL.
Qadyrbaev: Sen ol jerden ózińdi kórdiń be?
Sarnaev: Eger qalasań, meniń bólmeme kirip, ol jerden kez kelgen nárseni alýyńa bolady. Salam aleıkým )).
Prokýrordyń aıtýynsha, habarlama Sarnaevtyń telefonynan lańkestikten keıin úsh kún ótken soń jiberilgen.
Esterińizge sala keteıik, 2013 jyldyń 15 sáýirinde dástúrli Boston marafony kezinde jarylys bolyp, 3 adam qaza tapty. Sondaı-aq, taǵy 264 adam jaraqat aldy. AQSh-tyń arnaıy qyzmeti basty kúdikti retinde aǵaıyndy Tamerlan jáne Djohar Sarnaevtardy atady. Kúdiktilerdi quryqtaý kezinde qarsylyq tanytqan Tamerlan mert boldy. Djohar búginde qamaýda otyr. Al Qazaqstan azamaty Dıas Qadyrbaevqa aıǵaq zattardy joıdy degen aıyp taǵylýda. Bul úshin otandasymyz 7 jylǵa bas bostandyǵynan aıyrylýy múmkin.
Elaman Qońyr.
Derek: zakon.kz.
Sýret: azattyq.org.