Búgin Almatyda qazaq poezııasynyń kórnekti ókili, aqıyq aqyn Muqaǵalı Maqataevtyń týǵanyna 95 jyl tolýyna oraı ádebı-poetıkalyq kezdesý ótti, dep habarlaıdy Egemen.kz.
«Men – HHI ǵasyr urpaqtarynyń qurdasymyn» taqyrybymen ótken kezdesýge Almaty qalasy Mádenıet basqarmasynyń basshysy Danııar Álıev, Muqaǵalı Maqataevtyń uly Juldyz Maqataev jáne kelini Baqytkúl Aıdarova, aqyn, «Qazaq ádebıeti» gazetiniń bas redaktory Baýyrjan Jaqyp, Sáýle Dosjan, Jaras Sársek, Baqyt Bedelhan, Baqyt Jaǵypar syndy belgili jazýshylar men aqyndar, pýblısıstter, ǵalym-zertteýshiler, jastar, mektep oqýshylary men poezııasúıer qaýym qatysty.
«Muqaǵalı Maqataev degen kezde eske qazaq poezııasy, qazaqtyń qara óleńi keledi. Abaıda qara aýyl bar, Mahambettiń qara oıy bar, Muqaǵalıdyń Qarasazy bar, qazaqtyń qara shańyraǵy bar, qara qazany bar, qara dombyrasy bar. Sondyqtan da búgin qara óleńniń padıshasy, qazaqtyń jaryq juldyzy Muqaǵalıdyń 95 jyldyǵy qutty bolsyn!» dedi Danııar Álıev.
Jıynǵa arnaıy kelgen Qazaqstan Jazýshylar odaǵynyń múshesi, Muqaǵalı aqynnyń týys inisi Muhtarhan Qalıuly aqynǵa arnaǵan óleń joldaryn oqyp, kitaphana qoryna kitaptar syıǵa tartty. Dástúrli ánshi, Mádenıet qaıratkeri Erkin Shúkiman jáne ánshi, dombyrashy Nurjan Janpeıisovtiń oryndaýynda aqyn sózine jazylǵan ánder shyrqaldy.
J. Elebekov atyndaǵy respýblıkalyq estrada-sırk kolledjiniń stýdentteri aqıyq aqynnyń shyǵarmalary negizinde «Jas ómir, saǵan ókpem joq» atty sahnalyq qoıylymyn usyndy.
Aqynnyń uly Juldyz Muqaǵalıuly jáne kelini Baqytkúl Aıdarova uıymdastyrýshylarǵa áýlet atynan alǵys bildirip,
«Barsha áýletimizdiń atynan osyndaı ystyq yqylas pen shynaıy qurmet kórsetkenderi úshin alǵys aıtamyn. Qazaq halqy barda, jerimiz gúldenip, elimiz aman turǵanda Muqaǵalıdyń rýhy men poezııasy halyqtyń rýhyn kóterip, árqashan jasaı bermek. Qala basshylyǵynyń bastamasymen júzege asqan bul is-shara aqyn rýhyna kórsetilgen zor qurmettiń belgisi bolyp, bolashaqta aqyn murasyn dáripteý jalǵasyn tabatyny sózsiz», dep atap ótti.
Qarasaz aýyly Alban Asan atyndaǵy orta mektep-gımnazııasy men M. Maqataev atyndaǵy №140 mektep oqýshylary aqyn óleńderin jatqa oqyp, ádebı sharanyń shyraıyn asha tústi.
Is-sharada aqyn shyǵarmashylyǵyna arnalǵan «Muqaǵalı – máńgilik jyrdyń juldyzy» kitap kórmesi uıymdastyrylyp, arnaıy túsirilgen beınerolık kórsetildi.
Mektep oqýshylaryna Almaty qalasy Mádenıet basqarmasynyń atynan Danııar Álıev alǵys hattar tabys etti.