ASTANA. 26 naýryz. Fýtboldan 2016 jylǵy Eýropa chempıonatyna irikteý týrnıri aıasynda Qazaqstan kelesi oıyndy Islandııaǵa qarsy ótkizetini belgili. Sol matchta qazylyq jasaıtyn tóreshiler belgili boldy. Bul týraly egemen.kz habarlady.
Sonymen 28 naýryzda ótetin oıynǵa Grekııadan kelgen tóreshiler qyzmet kórsetedi. Bas tóreshi Tasos Sıdıropýlos. Qos qaptalda oıyn tártibin Damıanos Eftımıadıs pen Polıhronıs Kostaras qadaǵalaıdy. Tórtinshi tóreshi Hrıstos Akrıvos.
35 jastaǵy Tasos Sıdıropýlos Eýropadaǵy tájirıbeli tóreshilerdiń biri. Kóbine eýrokýbok básekelerinde qazylyq jasaıtynyn aıta keteıik.
Qazaqstan men Islandııa quramalarynyń oıyny 28 naýryzda «Astana-Arena» stadıonynda ótedi. Bastalý ýaqyty saǵat 21:00-ge josparlanǵan.
Elaman Qońyr.
Derek: egemen.kz.
Sýret: telegraf.com.ua.