“SIZ DENSAÝLYQQA EREKShE KО́ŃIL BО́LETIN BASShYSYZ
”Memleket basshysynyń atyna Taraz qalasynan medısına ǵylymdarynyń doktory, akademık Seıithan Joshybaevtan hat keldi, dep habarlady Qazaqstan Respýblıkasy Prezıdentiniń baspasóz qyzmeti.
Búginde Taraz qalasyndaǵy Kardıohırýrgııa ortalyǵynda qyzmet atqaratyn S.Joshybaev hatynda tarıhı Otanyna oralýy “Qazaqstan Respýblıkasynda kardıologııalyq jáne kardıohırýrgııalyq qyzmetti damytýdyń 2007-2009 jyldarǵa arnalǵan baǵdarlamasynyń” qabyldanýymen tuspa-tus kelgenin jazady. Bul baǵdarlama, sondaı-aq densaýlyq saqtaý salasyndaǵy biryńǵaı ulttyq júıeniń engizilýi óńirlerde kardıohırýrgııanyń damýyna serpin berdi.
Akademıktiń baıandaýynsha, “qysqa merzim ishinde barlyq oblys ortalyqtarynda kardıohırýrgııalyq bólimder ashylyp, jumys isteı bastaǵan. Endigi jerde júrek aýrýynyń sıpatyn anyqtaý úshin emdelýshilerdiń Astanaǵa nemese Almatyǵa barýynyń qajettigi joq. Árbir emdelýshi oblys ortalyǵynda tekseristen ótý múmkindigine ıe. Kóptegen óńirde júrekke operasııa jasala bastady. Bul halyqaralyq deńgeıdegi jetistikterge tezdetip jetý, álemniń damyǵan 50 eliniń qatarynan oryn alý jolyndaǵy úlken is”.
Avtor sondaı-aq qazirgi ýaqytta Elbasynyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Joldaýy men Qazaqstannyń 2020 jylǵa deıingi damý josparyn júzege asyrý maqsatynda ázirlengen, Qazaqstannyń medısına salasynyń jurtshylyǵy Qazaqstan Respýblıkasy densaýlyq saqtaý salasyn damytýdyń 2011-2015 jyldarǵa arnalǵan “Salamatty Qazaqstan” memlekettik baǵdarlamasyn talqylap jatqanyna toqtalady.
“Men oralman retinde ótip jatqan oqıǵalardy salystyrmaly túrde baǵalaımyn. “Salamatty Qazaqstan” baǵdarlamasyn júzege asyrý elimizdiń densaýlyq saqtaý salasyn edáýir joǵary deńgeıge kóteredi. Dáriger retinde men Sizge myqty densaýlyq tileımin. Siz densaýlyqqa erekshe kóńil bóletin basshy jáne azamat retinde barshamyzǵa úlgi kórsetip kelesiz”, – delingen hatta.