Túrkistan oblysynyń Sozaqtan basqa barlyq aýdan, qalasy gazben qamtylǵan, tek atalǵan aýdanda bul másele sheshilmegen edi. Endi Sozaqtyń turǵyndary da gazdyń ıgiligin kórip, turmys sapasyn jaqsartady. Aýdanda AGTS-y bar magıstraldy gaz qubyry, Sholaqqorǵan aýyldyq okrýginde tabıǵı gazben jabdyqtaý jelileri iske qosyldy, dep habarlaıdy Egemen.kz.
«Gazben qamtý boıynsha 2025 jyly oblysymyzda 87 nysannyń qurylysy qolǵa alyndy. Sonyń ishinde 45 jobanyń qurylysy aıaqtalyp, 70 myń halqy bar 41 eldi meken tabıǵı gazben qamtyldy. О́tken jyldyń qorytyndysy boıynsha 606 eldi meken gazben qamtylyp, 1,9 mln-nan astam turǵyn «kógildir otynnyń» ıgiligin kórdi. Búgin iske qosylǵan joba – sol jumystardyń naqty nátıjesi», dedi saltanatty sharada aýdan turǵyndaryn tarıhı oqıǵamen quttyqtaǵan oblys ákimi Nuralhan Kósherov.
Saltanatty shara barysynda Sholaqqorǵan aýyldyq okrýgindegi tabıǵı gaz jelileri resmı túrde iske qosylyp, turǵyn úıde gaz jaǵý rásimi ótkizildi. Jobanyń jalpy quny – 4,1 mlrd teńge, qýattylyǵy – 30 000 m³/saǵat.
Túrkistan oblysynda shalǵaıdaǵy aýyldar tabıǵı gazǵa qosyldy
Aıta keteıik, qurylys merzimi 2019 jyly bastalyp, 2025 jyldyń jeltoqsan aıynda aıaqtaldy. Atalǵan joba tolyq iske qosylǵan jaǵdaıda Sholaqqorǵan aýyldyq okrýgindegi 4 600 turǵyn úı tabıǵı gazben qamtylady.
Bir jyl ishinde 123 eldi meken tabıǵı gazben qamtyldy