Búgin Zańnama jáne quqyqtyq aqparat ınstıtýtynda Parlament Májilisiniń depýtaty, Konstıtýsııalyq reforma jónindegi komıssııanyń múshesi, zań ǵylymdarynyń doktory, professor Marat Bashımovtyń qatysýymen saraptamalyq kezdesý ótti, dep habarlaıdy Egemen.kz.
Jıynǵa «Adam quqyqtaryn qorǵaý salasyndaǵy konstıtýsııalyq jańashyldyqtar: jańa tetikter men kepildikter» taqyryby arqaý boldy. Talqylaýǵa Instıtýt basshylyǵy, jetekshi ǵylymı qyzmetkerler, sondaı-aq bedeldi quqyqtanýshylar men konstıtýsııalyq quqyq salasynyń mamandary qatysty.
Kezdesý jańa Konstıtýsııa jobasyn taldaýǵa arnalǵan ashyq pikirtalas formatynda ótti. Qatysýshylar saıası-quqyqtyq ınstıtýttardyń transformasııasyn jáne eldiń Negizgi zańyndaǵy quqyq qorǵaý tetikteriniń rólin kúsheıtýdi jan-jaqty qarastyrdy.
Qoǵamdyq keńes músheleri jańa Konstıtýsııa jobasyn talqylaıdy
Sarapshylar qaýymdastyǵy aldynda sóz sóılegen Marat Bashımov quqyqtyq júıeni izgilendirýge erekshe nazar aýdardy.
«Jańa Konstıtýsııa jobasy − eń aldymen, azamattyń múddesin qorǵaýǵa baǵyttalǵan tikeleı qoldanylatyn qujat. Biz konstıtýsııalyq normalardyń sapaly evolıýsııasyn kórip otyrmyz», dedi ol.
Kezdesý barysynda Instıtýt sarapshylary men depýtat jańa konstıtýsııalyq normalardy qoldanystaǵy zańnamaǵa engizýdiń praktıkalyq aspektilerin talqylady. Ákimshilik ádilettilikti jetildirý, quqyq ústemdigin qamtamasyz etý jáne azamattyq qoǵamnyń memlekettik organdarmen ózara is-qımyly máseleleri kóterildi.
Elimizdiń ónerkásiptik kásiporyndary jańa Konstıtýsııa jobasyn qoldady
Instıtýt dırektory Indıra Áýbakirova zań shyǵarý úderisin irgeli ǵylymmen úılestirýdiń mańyzdylyǵyn atap ótti.
«Parlament depýtattarynyń bizdiń Instıtýt alańyndaǵy saraptamalyq talqylaýlarǵa qatysýy usynylyp otyrǵan jańalyqtarǵa tereń quqyqtyq dıagnostıka júrgizýge múmkindik beredi. Marat Sovetulynyń ǵalym ári praktık-parlamentarıı retindegi tájirıbesi zańnamany jetildirý boıynsha sapaly usynymdaryna baǵa jetpeıdi», dedi Indıra Áýbakirova.
Kezdesý qorytyndysy boıynsha qatysýshylar usynylyp otyrǵan konstıtýsııalyq reformalar adam quqyqtary salasyndaǵy zamanaýı syn-qaterler men Halyqaralyq standarttarǵa saı keledi degen ortaq pikirge keldi.