Semeı qalasyndaǵy Abaı atyndaǵy kitaphanada «Qaladan – aýylǵa» óńirlik forýmy bastaldy. Forýmǵa jalpy sany 500-den astam adam jınalǵan, dep jazady Egemen.kz.
Mańyzdy sharaǵa oblys ákimi Berik Ýálı, Premer-mınıstrdiń keńesshisi Eraly Toǵjanov, «Amanat» partııasynyń hatshysy Eldar Jumaǵazıev, Qarjy vıse-mınıstri Abzal Beısenbekuly, Parlament Májilisiniń depýtaty Nurtaı Sabılıanov, Parlament Senatynyń depýtaty Qaırat Tastekeev, Aýyl sharýashylyǵy mınıstrliginiń mal sharýashylyǵy departamenti dırektorynyń orynbasary Qaırat Kóshenov, barlyq deńgeıdegi máslıhattardyń depýtattary, qala jáne aýdan ákimderi, aýyldyq okrýg jáne kentter ákimderi, basqarma basshylary, iri sharýa qojalyqtarynyń jetekshileri, Shyǵys Qazaqstan jáne Pavlodar oblystarynyń ókilderi de qatysyp jatyr.
Aımaq basshysy Berik Ýálı forýmnyń ashylýynda sóılegen sózinde Prezıdent Qasym-Jomart Toqaevtyń júzege asyryp kele jatqan saıası reformalarynyń aıasyndaǵy jańa Konstıtýsııanyń tereń saralanǵan, álemdik úzdik tájirıbelerdi eskergen, ulttyq múddeni jáne adam quqyǵyn tolyq qorǵaýǵa baǵyttalǵan sapaly qujat ekenin atap ótti.
Konstıtýsııalyq reforma: Senatorlar óńirlerge barady
«Búgingi basqosýymyz aýyl sharýashylyǵynyń nemese jergilikti basqarýdyń máselesin ǵana talqylaıtyn alań emes, sonymen qatar, elimizdiń damý baǵytyn, memleket pen halyq arasyndaǵy ózara jaýapkershilikti aıqyndaıtyn úlken forým. Memleket basshysy Qasym-Jomart Kemeluly Toqaev atap ótkendeı, jańa Konstıtýsııaǵa qatysty pikir almasý bir kúnniń nemese bir aıdyń sharýasy bolǵan joq. Jarty jyldan astam ýaqyt boıy qoǵamda jan-jaqty talqylaý júrdi. 130 adamnan turatyn Konstıtýsııalyq komıssııa qurylyp, onyń quramyna elimizdiń bilikti zańgerleri, sarapshylary, qoǵam ókilderi endi. Eń bastysy, bul joly sheshimdi ózimiz qabyldadyq, komıssııa quramynda shetel mamandary bolǵan joq», dedi Berik Ýálı. Serik Sápıev Konstıtýsııalyq reforma týraly pikir bildirdiSondaı-aq óńir basshysy óz sózinde jańa Ata zań jobasynyń halyq arasynda keń talqylanǵanyna nazar aýdardy.
«Prezıdent óz sózinde azamattarǵa byltyr qazan aıynan bastap óz usynystaryn ashyq aıtýǵa tolyq múmkindik berilgenin aıtty. eGov jáne eOtinish platformalary arqyly myńdaǵan usynys túsip, olardyń barlyǵy muqııat qaralǵan. Komıssııa jumysy barynsha ashyq júrgizilip, talqylaýlar tikeleı efırde kórsetildi. Buǵan deıin elimizde reformalar dál osyndaı keń aýqymda, búkil halyqtyń qatysýymen talqylanbaǵan bolatyn. Bul – shyn máninde «Halyq únine qulaq asatyn memleket» qaǵıdatynyń naqty kórinisi. Sondyqtan da biz jańa Konstıtýsııany naǵyz halyqtyq Konstıtýsııa dep tolyq aıta alamyz. Osy Ata zańda bekitilgen qaǵıdattardy aýylda naqty iske qalaı aınaldyramyz? Memleket adam úshin bolsa, onda aýyldaǵy árbir turǵynnyń turmysy, árbir sharýa qojalyǵynyń damýy – bizdiń basty ólshemimiz bolýy tıis», dedi Berik Ýálı.
Konstıtýsııalyq reformanyń tarıhı mánine taldaý jasaldy