ASTANA. 26 naýryz. Qytaıdyń Haınan aralynda jol-kólik oqıǵasynan Qazaqstan azamaty qaıtys boldy. Bul týraly mail.ru habarlady.
Syrtqy ister mınıstrliginiń baspasóz qyzmeti taratqan málimetke súıensek, oqıǵa 21 naýryzda bolǵan. Sonyń saldarynan 1990 jyly týǵan Artýr Ábsálıamov esimdi otandasymyz qaza tapqan. Qazirgi tańda elimizdiń Beıjińdegi konsýldyǵy osy máselege qatysty jumys isteýde. «Qazir bizdiń qyzmetkerler Haınan aralynda júr. Olar qaza tapqan otandasymyzdyń múrdesin Qazaqstanǵa jetkizý máselesi boıynsha qajetti qujattardy daıyndap, kómek kórsetýde», – delingen Mınıstrliktiń málimdemesinde.
Vedomstvonyń habarlaýynsha, Ábsálıamovtyń múrdesin Qazaqstanǵa jetkizý kezinde ketetin shyǵyndy oǵan jumys berýshi tarap óz moınyna alǵan.
Elaman Qońyr.
Derek, sýret: mail.ru.