ASTANA. 26 naýryz. Búkilálemdik boks serııasy aıasynda «Astana arlandary» kelesi kezdesýin «AQSh nokaýtshylaryna» qarsy ótkizedi. AQSh-tyń Maıamı qalasynda ótetin aıqasta sharshy alańǵa shyǵatyn qarsylastar belgili boldy. Bul týraly astanaarlans.kz habarlady.
Sonymen aldaǵy senbide myna boksshylardyń jekpe-jekterine kýá bolamyz:
49 kg. Djoshýa Franko – Temirtas Júsipov;
56 kg. Fransısko Martınes – Meıirbolat Toıytov;
64 kg. Taırek Irbı – Samat Báshenov;
75 kg. Kelvın Henderson – Meıirim Nursultanov;
91 kg. Edrıan Teılor – Vasılıı Levıt.
Qos komanda arasyndaǵy tartys 28 naýryz kúni Astana ýaqytymen tańǵy 06:00-de bastalady. Kezdesýdiń jazbasy «Habar» telearnasynan 29 naýryz kúni saǵat 23:40-ta kórsetiledi dep josparlanýda. Desek te, aıqasty aibaboxingtv.com saıtynan tikeleı efırde kórýge bolady.
Bul - bizdiń komandanyń maýsymdaǵy 11-kezdesýi. Osyǵan deıingi 10 matchta jeńiske jetken «arlandar» búginde 30 upaımen «V» tobynda kósh bastap tur. Al «nokaýtshylar» 3-satyda keledi (18 upaı). Alǵashqy aınalymda boksshylarymyz amerıkalyqtardy 5:0 esebimen jeńgeni esimizde.
Osy kezdesýden keıin Marat Jákıev bastaǵan «arlandar» Las-Vegasqa at basyn burady. Ol jaqta komandamyz Roı Djonstyń sport kesheninde oqý-jattyǵý jıynyn ótkizýdi josparlap otyr.
Elaman Qońyr.
Derek, sýret: astanaarlans.kz.