Keshe Ishki ister mınıstrliginde Qazaqstan polısııasynyń oń ımıdjin nyǵaıtýǵa qosyp júrgen úlesteri úshin bir top jýrnalıst IIM gramotasymen, “Yntymaqtastyqty damytýǵa qosqan úlesi úshin” omyraý belgisimen marapattaldy. Ony jýrnalısterge Ishki ister mınıstriniń orynbasary Aleksandr Kýlınıch tabystady.
Ishki ister organdarynyń basym baǵyttarynyń biri halyqtyń polısııaǵa degen senimin joǵarylatý bolyp tabylady. Sondaı-aq polısııa qyzmetkerleriniń óz qyzmetin atqarýy barysynda konstıtýsııalyq quqyqtary men azamattardyń bostandyǵyn saqtaý. Bul basym baǵyttar buqaralyq aqparat quraldarynyń qatysýynsyz jáne qoǵamsyz júzege aspaıtyndyǵy belgili. Osy oraıda jýrnalısterdiń kásibı merekesi qarsańynda Ishki ister mınıstri Serik Baımaǵanbetov Qazaqstan polısııasynyń oń ımıdjin nyǵaıtýǵa qosqan úlesi, elimizde qoǵamdyq qaýipsizdikti qamtamasyz etý máseleleri boıynsha maqalalar serııasyn kásibı deńgeıde uıymdastyrǵany úshin birqatar respýblıkalyq basylym jýrnalısterin gramotalarmen marapattaý jóninde buıryq shyǵarǵan bolatyn.
“Egemen Qazaqstan”, “Kazahstanskaıa pravda”, “Izvestııa”, “Panorama”, “Ekspress K”, taǵy da basqa gazet tilshileri qurmet qaǵazyna ıe bolsa, “Habar” agenttigi” AQ basqarmasynyń tóraıymy Gúlnar Yqsanova “Yntymaqtastyqty damytýǵa qosqan úlesi” úshin omyraý belgisine ıe boldy. Marapattaý sońynda Ishki ister mınıstriniń orynbasary Aleksandr Kýlınıch jýrnalısterge shyǵarmashylyq tabys tiledi.
Venera TÚGELBAI.