Memleket basshysynyń elimizdiń kólik-tranzıttik áleýetin damytý jónindegi tapsyrmalaryn oryndaý sheńberinde negizgi ınfraqurylymdyq toraptardy júıeli jańǵyrtý jumystary jalǵasyp jatyr, dep habarlaıdy Egemen.kz.
Altynkól stansııasy men Qorǵas shekaralyq ótkeli biryńǵaı temirjol-shekaralyq keshendi quraıdy jáne halyqaralyq kólik dáliziniń mańyzdy býyny. Atalǵan torap eldiń tranzıttik áleýetin arttyrý turǵysynda erekshe ról atqarady.
«Altynkól – Qorǵas toraby arqyly eksport-ımport jáne tranzıttik júk tasymalynyń edáýir kólemi júzege asyrylady. Infraqurylym júkterdi jedel óńdeýdi, konteınerlerdi qaıta tıeýdi jáne eki memlekettiń temirjol qyzmetteriniń úılesimdi jumysyn qamtamasyz etedi.
Qazirgi ýaqytta aýqymdy jańǵyrtý baǵdarlamasy iske asyrylyp jatyr. Altynkól – Jetigen ýchaskesinde jalpy uzyndyǵy 32 shaqyrymdy quraıtyn eki aralyqta ekinshi joldardyń qurylysy jalǵasty, sondaı-aq 5 jańa jáne 8 qoldanystaǵy aıyryqty damytý jumystary júrgizilip jatyr. Bul jeliniń ótkizý qabiletin táýligine 18 jup poıyzdan 33 jup poıyzǵa deıin arttyrýǵa múmkindik beredi», delingen Kólik mınıstrliginiń habarlamasynda.
Qazaqstan men О́zbekstan temirjol tasymalynyń áleýetin arttyrady
Temirjol jáne sý kóligi komıtetiniń tóraǵasy Nurjan Amangeldınuly Kelbuǵanov jumys sapary sheńberinde stansııadaǵy jobalardyń iske asyrylý barysymen tanysty.
Prezıdent: Tozyǵy jetken temirjol ınfraqurylymy áli de kóp
Jobalardy aıaqtaý 2026 jylǵa josparlanǵan. Olardy iske asyrý Qazaqstannyń Eýropa men Azııa arasyndaǵy tranzıttik kópir retindegi strategııalyq rólin kúsheıtip, ulttyq kólik-logıstıka júıesiniń tıimdiligin arttyrady.
Úndi muhıtyna jol: Qazaqstan Aýǵanstan arqyly temirjol salmaq