ASTANA. 26 tamyz. Fransııadaǵy Marsel qalasynyń prokýrory Brıs Roben Germanwings avıakompanııasynyń Alpi taýlaryna baryp soǵyp qıraǵan A320 ushaǵynyń ekinshi pıloty aerobýsty ózi ádeıi apatqa ushyratqan degen tujyrym aıtyp otyr. Bul týraly BBC Russian habarlady.
Borttyń ózi jazylatyn jazbasy kabınada qalǵan ekinshi ushqyshtyń laınerdi ádeıi tómendetip, Alpi taýynyń etegine aparyp soqtyrǵanyn bildirip otyr. «Qara jáshiktiń» jazbalaryna sáıkes, ekinshi pılot laıner jerge baryp qulap túskenshe tiri bolyp,dem alyp jatqan.
Robenniń aıtýynsha, seısenbi kúni apatqa ushyraǵan Germanwings laıneriniń birinshi pıloty, ıaǵnı komandıri sonyń aldynda ǵana salonǵa shyǵyp ketken. Biraq qaıtyp kelgeninde ekinshi ushqysh oǵan esikti ashpaı qoıǵan. Prokýror muny ol qasaqana jasap, osy kezde áýe kemesin tómenge qaraı burǵan.
Baspasóz máslıhaty barysynda Brıs Roben ekinshi pılottyń da atyn atady. Ol – Andreas Lıýbıs, qoldaǵy málimetterge qaraǵanda, kabınaǵa qaıtyp kirýge baryn salyp turǵan komandırine esikti ashpaı otyryp alǵan.
«Biz birinshi pılottyń ekinshi pılottan ushaqty basqarýdy qolyna alýdy surap ketip jatqanyn estidik. Sonymen bir mezgilde kreslonyń artqa qaraı jyljyp, esiktiń qalaı jabylǵan daýsy da shyqty», - dedi prokýror.
Alaıda, birinshi pılot qaıtyp kelgende, manaǵy jabylǵan esik qaıtyp ashylmaı qoıady. Komandır basynda esikti aqyryn qaǵady, sosyn qattyraq urady, bolmaǵasyn ishke esikti buzyp kirmek bolady.
Laıner taýdyń adam aıaǵy jetýi qıyn aýmaǵyna qulapty. Onda tek tikushaqpen ǵana barýǵa bolady. Al izdestirý jumystary jalǵasyp jatyr.
Murat Aıtqoja.
Mánbe, sýret: BBC Russian.