Aıtaıyn degenim...
Búginde elimizde “Balapan” baǵdarlamasy jumys istep jatyr. Biraq ol problemany bir deste sheship tastaı almaıtyny túsinikti. Osy rette Qazaqstannyń ózge qalalaryndaǵydaı, Semeıde de balabaqshalar qajettigi týyndap tur. Ata-analarǵa báribir, tili oryssha ma, qazaqsha ma, tańdap jatýǵa shama joq, áıteýir balalaryn balabaqshaǵa ilindirse bolǵany. Mine, eki jyldan beri sábılerdi balabaqshaǵa berý úshin kezekke jazatyn qalalyq bilim bóliminde arnaıy jumys uıymdastyrylýda. Qazirdiń ózinde onda tizim boıynsha balabaqshaǵa barýy tıis 5000-nan astam bala kezekte tur. Tipti ótken jyly balabaqshalarǵa ornalastyrylǵan 600 balany esepke almaǵannyń ózinde, dál qazirge deıin týǵan sábılerdi týa salysymen kezekke jazyp qoıypty. Basqa amal joq. Byltyr 2-4 jas aralyǵyndaǵy 500-deı balanyń ǵana balabaqshaǵa ornalasý múmkindigi boldy. Júzdep emes, myńdap jazylǵan kezekke qarap, jaǵdaı eger osy kúıde qalsa, balalardyń kópshiligi balabaqshanyń ne ekenin bilmeı ósýi múmkin.
Shynyna kelgende, Semeıdegi kóptegen balabaqshalar ońtaılandyrý kezinde satylyp, jekeshelendirilip ketken. Qazir ol jerlerde shaǵyn jáne orta bıznes nysandary, túrli mekemeler ornalasqan. Sondyqtan da jańa ǵımarattar salynsa, bul jaqta pedagog kadrlar jetkilikti.
О́tken jyldyń tamyz aıynda “Iýnost” kentinde 320 oryndyq jańa balabaqsha ashyldy. Ázirshe bul teńizge tamǵan tamshy ispettes. Semeılikter ózderiniń áleýmettik jaǵdaılaryna sáıkes, balalaryn aqshasyn azdaý tóleıtin memlekettik balabaqshalarǵa ornalastyrǵysy keledi. Qala boıynsha mundaı balabaqsha sany – 12. Jekemenshikte 3 balabaqsha bar, biraq onda aqy 19-25 myń teńge kóleminde. Qalalyq bilim bólimi mamandarynyń habarlaýynsha, balabaqshalarǵa ornalastyrý úshin qazir arnaıy komıssııa jumys istep jatqan kórinedi. Qalaı desek te, Semeıde balabaqshalar men bóbekjaılar sany artsa, nur ústine nur bolar edi. О́ıtkeni, osy kezde bireý tárbıeshi jaldap, al bireýler balalaryn ata-apalaryna nemese tanystaryna tasyp áýre bolyp júrgeni ras.
Raýshan NUǴMANBEKOVA, SEMEI.