13 jasar qyzdy qara nıetti qaraqshylardan qutqaryp qalǵan Taraz qalasynyń turǵyny Núrken Omarovqa laıyqty qurmet kórsetildi. Ishki ister mınıstrligi atynan marapattalǵan beıbit kúnniń batyryn oblys ákimi Erbol Qarashókeev arnaıy qabyldap, 500 myń teńgeniń sertıfıkatyn tabystady.
Oqıǵa osydan birer kún buryn Tarazdaǵy aıaldamalardyń birinde bolǵan. Eki er adam jasóspirimdi kólikke kúshtep otyrǵyzbaq bolǵan sátte oqıǵa ornynan tabylǵan Núrken Omarov jyldam sheshim qabyldap, batyl áreketke kóshedi. Onyń osy qadamynyń arqasynda qyz balanyń ómirine tóngen qaýip seıildi. Oblystyq polısııa departamentiniń málimetinshe, kúdiktiler jedel ustalyp, qazir sotqa deıingi tergeý amaldary júrgizilip jatyr.
«Jasóspirimniń júzinen qorqynysh baıqaǵan soń, bir shıkiliktiń baryn birden sezdim. Men bul qadamǵa qandaı da bir marapat alý úshin barǵan joqpyn, muny azamattyq ári ákelik boryshym dep esepteımin. Bala – bizdiń bolashaǵymyz, júregi bar kez kelgen er-azamat osyndaı jaǵdaıda únsiz qalmaýy kerek», deıdi Núrken Omarov.
О́ńir basshysy E.Qarashókeev qoǵam tynyshtyǵyna beıjaı qaramaǵan azamattyń bul áreketin joǵary baǵalady. N.Omarovtyń syn sátte jaýapkershilik tanytyp, «Zań men tártip» qaǵıdatyn berik ustanǵany óskeleń urpaqqa úlgi ekenin atap ótti. Sondaı-aq shahar turǵynynyń áleýmettik jaǵdaıymen tanysqan oblys ákimi ony turaqty jumyspen qamtý úshin jaýapty tulǵalarǵa naqty tapsyrma berdi.
TARAZ