Qaraǵandy oblysynda respýblıkalyq mańyzy bar Qaraǵandy – Jezqazǵan avtojoly boıynsha rekonstrýksııalaý jumystary naýryz aıynyń ortasynda bastalmaq. Bul týraly óńirdegi jol ınfraqurylymyn damytý jónindegi júıeli jospar aıasynda málim etildi, dep habarlaıdy Egemen.kz.
Jobanyń negizgi maqsaty – jol qozǵalysynyń qaýipsizdigin arttyryp, óńirlik jáne respýblıkalyq kólik júıesiniń tıimdiligin jaqsartý. Rekonstrýksııa jumystary barysynda áýeli qaýipsizdik talaptary kúsheıtilip, jol sapasy halyqaralyq standarttarǵa saı jańartylady.
Negizgi joba baǵyttary:
Qaraǵandy – Jezqazǵan trassasy boıynsha negizgi ýchaskelerdi qalpyna keltirý jáne ortasha jóndeý jumystaryn júrgizý;
Jalpy uzyndyǵy 200 shaqyrymǵa deıin ortasha jóndeý jumystary júzege asyrylady;
Bir jol ótkeli men eki kópirge kúrdeli jóndeý jumystary josparlanǵan;
Jol beldeýlerine qozǵalys qaýipsizdigin arttyrý úshin tógilmeli qorshaýlar, jaıaý júrginshiler ótkelderi men jaryqtandyrý júıeleri ornatylady.
Bıyl Aqtóbe oblysynda 464 shaqyrymnan astam jol jóndeýden ótip, jańartylady
Jol ınfraqurylymyn damytý aıasynda merdiger uıymdar tehnıkamen jáne qajetti materıaldarmen qamtyldy. Qurylys jumystary maýsymdyq qolaısyz aýa raıy jaǵdaılaryn eskerip, ýaqytyly jáne sapaly aıaqtalýyna erekshe kóńil bólinedi.
Qaraǵandy oblysynyń ákimi Ermaǵanbet Bólekpaev jol ınfraqurylymyn jańartý jáne qoldanysqa berý sapasyn qatań baqylaýda ustaýdy tapsyrdy. Barlyq nysandar tek jol sapasy men qaýipsizdik talaptarynyń oń qorytyndysyn bergennen keıin ǵana paıdalanýǵa beriledi.
Búgin elimizde qaı joldar jabyq tur?
Bul joba óńir turǵyndary úshin kólik qýatyn arttyryp, azamattardy qaýipsiz ári jaıly saparǵa múmkindik týǵyzady.
Qaraǵandy oblysynda 800-den astam kólik qar qursaýynda qalyp qoıdy