Memlekettik keńesshi Erlan Qarın bastaǵan «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııa músheleri Aqtóbe oblysyna keldi. Olar eń aldymen «О́ner» ortalyǵynda jınalǵan qoǵam qaıratkerlerimen, eńbek ardagerlerimen, máslıhat depýtattary jáne qoǵamdyq keńes músheleri, bilim berý, densaýlyq saqtaý, sport, bıznes qaýymdastyq ókilderimen kezdesti, dep habarlaıdy Egemen.kz.
«Jańa Konstıtýsııa jobasynda adam kapıtalyn, bilim berý isin, ǵylym men ınnovasııalardy damytý máselesi negizgi strategııalyq basymdyqtar retinde aıqyndaldy. Osylaısha jańa Konstıtýsııa memleket damýyna tyń serpin beredi. Jańa Konstıtýsııanyń máni men mańyzy – onyń elimizdegi barsha azamattyń, barlyq áleýmettik jáne kásibı top ókilderiniń múddesi men suranysyn qamtýynda», dedi Erlan Qarın.
Mańǵystaý munaıshylary jańa Konstıtýsııany qoldaıdy
Ádilet mınıstri Erlan Sársembaev Ata zań jobasynda azamattardyń quqyqtary men bostandyqtarynyń kepildigin kúsheıtý jáne táýelsiz advokattardyń rólin arttyrýǵa erekshe mán berilgendigin kórsetti. Jıynǵa basshylyq etken oblys ákimi Ashat Shaharov jańa Konstıtýsııanyń memleket damýy men qoǵam turaqtylyǵyn nyǵaıtýdaǵy mańyzdylyǵy týraly aıta kelip, óńirde ekonomıkany ártaraptandyrý, ınvestısııalyq belsendilikti kúsheıtý, jańa jumys oryndaryn ashý men turǵyndardyń ál-aýqatyn arttyrý maqsatynda kóptegen jumystar qolǵa alynatyndyǵyn aıtyp ótti.
Jańa Ata zańda «adam» sózi 76 ret kezdesedi: Erlan Qarın jańa Konstıtýsııa jobasynyń basty ereksheligin atady
Osydan keıin jalpyulttyq koalısııa músheleri Aqtóbe rels-arqalyq zaýytynda temirjolshylarmen kezdesip, óndiris alańdaryn aralady.
Konstıtýsııada adam kapıtaly – negizgi basymdyq
Aqtóbe oblysy