HALYQTYŃ DENSAÝLYǴYNAN ARTYQ BAILYQ JOQ

Keshe Aqtóbe qalasynda Den­saý­lyq saqtaý mınıstrliginiń “2010 jyldyń birinshi jarty jyldy­ǵyn­daǵy Biryńǵaı ulttyq densaýlyq saqtaý júıesin engizý qorytyn­dy­lary týraly” atty respýblıkalyq keńes ótti. Keńeske Premer-Mı­nıstr­diń orynbasary Erbol Oryn­baev, Densaýlyq saqtaý mınıstri Jaq­sylyq Dosqalıev, Aqtóbe ob­ly­synyń ákimi Eleýsin Saǵyn­dy­qov, múddeli memlekettik organdar men respýblıka densaýlyq saqtaý uıymdarynyń basshylary qatys­ty. Aqtóbe oblysynyń ákimi Eleý­sin Saǵyndyqov jınalǵandardyń aldynda qysqasha sóz sóılep, keńes jumysyna sáttilik tiledi. – Elbasy Nursultan Nazarbaev “Jańa onjyldyq – jańa ekono­mı­­kalyq órleý – Qazaqstannyń jańa múmkindikteri” atty Qazaq­stan hal­qyna bıylǵy Joldaýynda den­saý­lyq saqtaý máselesine ba­sym­dylyq bere otyryp, halyqtyń den­saý­lyǵyn jaqsartýdy Qaza­q­stan­nyń strategııalyq baǵdarlama­sy­nyń ajyramas bóligi retinde na­zar­da ustap keledi. Men Aqtóbe óńi­ri­niń halyqtyń turmysyn jaqsar­týǵa jáne densaýlyǵyn nyǵaıtýǵa ózin­dik úles qosyp otyrǵanyna qýa­­­nysh­tymyn. Biryńǵaı ulttyq den­­saýlyq júıesin engizý basta­ma­sy óte ómirsheń ıdeıa. Alǵashqy jarty jyldyq qorytyndylaryn shyǵara otyryp, onyń bizdiń óńirde tabys­ty júrgizilip jatqanyna sendi­re­min. Mamandar jetkilikti daıarlaný­da, densaýlyq saqtaý salasynyń materıaldyq-tehnıkalyq bazasy jyl ótken saıyn nyǵaıyp keledi, qarjylandyrý da arta tústi. Sońǵy úsh jylda alpystan astam densaý­lyq saqtaý nysany paıdalanýǵa berildi, – dedi Eleýsin Naýryzbaı­uly. Oblys basshysy odan ári den­saýlyq saqtaý salasy qyzmetker­lerine kórsetilip otyrǵan qarjy­laı qoldaý-kómek týraly aıtty. Bes júzden astam dárigerler men med­bıkeler oblys ákiminiń aqsha­laı syılyǵyna ıe bolǵan eken. Jalpy oblysta medısına salasyn damytýǵa baǵyttalǵan sátti qadam­dar­dy ózgelerge ónege retinde tara­týǵa ábden bolatyndaı jaǵdaıda desek, artyq aıtqandyq emes. Sodan keıin keńeske qatysý­shy­lardy Premer-Mınıstrdiń ory­n­basary Erbol Orynbaev qutyqtap sóz sóıledi. Elimizdegi Biryńǵaı ult­tyq densaýlyq saqtaý júıesin engizýdiń keıbir máselelerin tara­typ aıtyp, osy baǵyttaǵy qol jet­ken tabystardy áńgime arqaýyna aınaldyrdy. Ol biryńǵaı ulttyq densaýlyq saqtaý júıesin engizý máselesin Úkimettiń basty nazarda ustap otyrǵanyna toqtaldy. Bul júıeniń stasıonarlyq jáne sta­sıo­nar almastyrýshy qyzmet kór­setýdi qamtamasyz etetini, medı­sı­nalyq kómek kórsetýdegi memle­kett­ik kepildikterdi qarjylandyrý jáıli sóz qozǵady. – Biryńǵaı densaýlyq saqtaý júıesin engizýge baılanysty osyn­daı keńes byltyr Qostanaıda, al bı­yl sáýir aıynda Astanada ótki­zildi. Mundaı ózara pikir alysýlar Bi­ryńǵaı ulttyq densaýlyq júıe­sin engizýdiń barysyn qorytyn­dy­lap qana qoımaı, aldaǵy atqary­latyn sharýalardy boljaýǵa da al­ǵyshart jasaıdy. Densaýlyq saqtaý salasyn damytýdyń 2011-2015 jyl­darǵa arnalǵan “Salamatty Qa­zaqstan” atty jańa memlekettik baǵ­darlamasy negizinde odan ári da­mytý kózdelip otyr. Atalǵan má­selelerdi jan-jaqty talqylaý ja­ńa júıeni tezirek engizýge yqpal ete­di dep oılaımyn, – dedi Erbol Turmuhanuly. Densaýlyq saqtaý mınıstriniń orynbasary Sálıdat Qaıyrbekova Biryńǵaı ulttyq densaýlyq saqtaý júıesin engizýdiń 2010 jyldyń bi­rin­shi jarty jyldyǵyndaǵy ba­ry­sy týraly baıandady. Biryńǵaı ult­tyq densaýlyq júıesin engizý nátıjesinde medısınalyq uıymdar arasynda básekelestik ortany qu­rýǵa, medısınalyq qyzmet kórse­týdiń biryńǵaı tarıfterin belgi­leýge, aýrýlardyń medısınalyq uıymdarǵa qoljetimdiligine, ashyq­tyq pen erkin tańdaý quqyǵyna qol jetkiziletin bolady. О́ńiraralyq jáne respýblıkalyq emhanalarda emdelý múmkindigi paıda boldy. Buǵan deıin mundaı josparly em­deýge jatqyzý palatalyq jaǵdaıda nemese kvota boıynsha ǵana múmkin bolatyn-dy. Osylaısha emdelýge jatqyzý bıýrosynda tirkelgen 258 myń adamnyń erkin tańdaý quqyq­tary saqtala otyryp, 96 paıyzy turǵylyqty jeri boıynsha em alsa, 3 paıyzy respýblıkalyq emha­na­larda emdelipti. 2009 jyldyń al­ǵash­qy jarty jyldyǵymen salys­tyrǵanda gospıtaldaýdan bas tarýǵa shaǵymdaný 8 ese kemigen kórinedi. Baıandamashynyń aıtýynsha, den­saýlyq saqtaýda jeke sektordy damytý maqsatynda medısınalyq qyzmetti satýǵa teń jaǵdaı týǵy­zy­la bastapty.Medısınalyq uıym­dar­men jasalǵan 838 kelisim-shart­tyń 103-i memlekettik emes sektor uıymdary bolyp tabylady. Budan basqa básekelestik negizi retinde bi­ryńǵaı tarıftiń belgilenýin my­sal­ǵa keltirýge bolady. Medısı­nalyq-ekonomıkalyq tarıf baǵasy sáýir aıynda 39 prosent ósý ja­ǵyna qaralǵan kórinedi. Ústimizdegi jylǵy alǵashqy jarty jyldyqta táýlik boıǵy stasıonarlyq medı­sı­nalyq kómek kórsetý 118, sta­sıo­nar almastyrýshy medısınalyq kómek kórsetý 87,6, al, joǵary ma­man­dandyrylǵan medısınalyq kó­mek kórsetý 100,4 paıyzdy qu­rapty. Sálıdat Qaıyrbekovanyń má­limdeýinshe, biryńǵaı ulttyq den­saýlyq saqtaý júıesin engizýdi odan ári damytý úshin jetildirilgen me­dı­sınalyq-ekonomıkalyq hat­tamalardy engizýdi, negizsiz gospı­taldaýdy toqtatý boıynsha sharalar alýdy, tósek qoryn rasıonalıza­sııalaýdy jáne ońtaılandyrýdy usynady. Sondaı-aq, saýyqtyrý já­ne qalpyna keltirý emdeý teh­nologııasyn damytý, ǵylymı jáne repýblıkalyq emhanalarda, ulttyq medısınalyq holdıngte jańa ha­lyq­aralyq tehnologııalardy engizý, óńirlerde joǵary medısınalyq kómek kórsetýdi damytý da kún tártibindegi máseleler. Dári-dár­mektermen kidirissiz qamtamasyz etý­di jetildirýge, shalǵaıdaǵy artta qal­ǵan aýdandardyń medısına m­e­kemelerin kepildi qarjylandyrýdy qamtamasyz etýge, medısına qyz­met­kerlerine dıfferensııalan­dy­rylǵan eńbekaqy tóleýdi júzege asy­rýǵa, Biryńǵaı ulttyq densaý­lyq saqtaý júıesi týraly medı­sı­nalyq qaýymdastyq jáne turǵyn­dar arasynda túsinik jumystaryn júr­gizýge de basa kóńil bólinedi. “SK-Farmasııa” bas dırektory Syz­dyq Baımuqanov biryńǵaı dıs­trı­býsııa aıasynda dári-dármek­pen qamtamasyz etý týraly áńgi­me­ledi. Keńeske qatysýshylar Biryń­ǵaı ulttyq densaýlyq saqtaý júıe­sin engizýge baılanysty ózara pikir alysyp, óz óńirlerinde onyń qalaı júzege asyrylyp jatqanynan ha­bar­dar etti. Satybaldy SÁÝIRBAI, Aqtóbe oblysy.