Erkin eldiń erteńi
О́tkennen úlgi ala otyryp, otanshyldyq rýhty qalyptastyrý jolynda jastardyń bul serpilisi janyńa jylý uıalatady. Bir zamandary Jan-Jak Rýsso “Eń uly jaqsylyqtar men ıgi jeńister atamekenge degen súıispenshiliktiń arqasynda jasalady” depti. Shynynda, atamekenin ardaqtaı otyryp, sol qasıetti jerdi qorǵaǵan batyrlar rýhyna taǵzym etýdiń ádemi úlgisin Almaty oblysy, Qarasaı aýdanyndaǵy Qarasaı batyr atyndaǵy mektep-gımnazııasynyń oqýshylary kórsetip otyr.
Olar taıaýda Almaty men Astana arasynda Jibek joly boıymen ekspedısııa uıymdastyryp, kıeli ult ulylaryna qurmet kórsetti. Astanaǵa atbasyn tiregende olardy elordadaǵy Raıymbek batyr atyndaǵy №50 “Qazǵarysh” mektep-lıseı oqýshylary qarsy alyp, elordamen tanystyrdy. Qalalyq bilim basqarmasynyń bastyǵy Á.Bımendına oqýshylardy qabyldap, olardyń Soltústik Qazaqstan oblysy, Aıyrtaý aýdanynda jatqan Qarasaı men Aǵyntaı batyrlardyń basyna baryp qaıtýǵa, odan ózge de ultymyzdyń arystarynyń rýhyna quran baǵyshtaýyna múmkindik jasady.
Bilektiń kúshimen, naızanyń ushymen osynaý baıtaq dalamyzdy basqynshylardan qorǵaǵan batyr babalar bastaryna baryp zırat etýmen ǵana shektelip qalmaı, olardyń boıyndaǵy el men jerge degen adaldyqty, batyrlyq pen batyldyqty úırensek, oıymyzǵa darytsaq, sóıtip, zamandastarymyzǵa úlgi bolsaq degen oımen osy joryqqa shyqqan edik. Bul joly Jetisý men Arqany aralasaq, aldaǵy ýaqytta mundaı saparlardy batys óńirine jasap, Isataı men Mahambet babalarymyz basqan óńirge jol tartpaqpyz, – deıdi qarasaılyq oqýshy Eldar Jumataev.
Súleımen MÁMET.