Alǵys aıtý kúnine oraı Jezqazǵan qalasynda ánshi, óner zertteýshi, Qazaqstannyń eńbek sińirgen ártisi Serik Ospanovtyń shyǵarmashylyǵyna arnalǵan «Alǵys – amanat, án – mura» atty tanymdyq, ádebı-mýzykalyq kesh ótti, dep jazady Egemen.kz.
Serik Káribaıulynyń esimine ulytaýlyqtar erteden tanys. Dástúrli qazaq ánderin sheber oryndaýshy Serik Ospanov 1992 jyly Jezqazǵan qalasynda Taıjan Qalmaǵambetov atyndaǵy oblystyq memlekettik fılarmonııaǵa dırektor bolyp taǵaıyndalady. Toǵyz jyl dırektor bolǵanda ónerdi ǵana nasıhattap qoımaı, otbasyly alty ártiske jańa páter, úsh ártiske «Qazaqstannyń eńbek sińirgen ártisi» ataǵyn alyp beredi.
2002 jyly Astana qalasyndaǵy Prezıdenttik Mádenıet ortalyǵynda jumysyn jalǵastyrady. Halyq artısi, kompozıtor E.Rahmadıev, aqyn K.Salyqov, ǵalym A.Seıdimbekpen shyǵarmashylyq baılanysta bolady.
2003 jyly konkýrspen Astana qalasy ákimdiginiń Mádenıet basqarmasyna qarasty «Tarıhı-mádenı eskertkishterdi qorǵaý ınspeksııasynyń» basshysy qyzmetin atqarǵan. Osydan keıin «Halyq shyǵarmashylyǵy ortalyǵy», «Táýelsizdik saraıy» , «Sáken Seıfýllın mýzeıi», «Halyq shyǵarmashylyǵy ortalyǵy» JShS, Mádenıet komıtetine qarasty «Qazaqstan halqy rýhanı jańǵyrý ortalyǵynyń» uıymdastyrý jáne monıtorıng basqarmasy sııaqty mekemelerde basshylyq etedi.
Alǵys aıtý kúni – birlik pen rızashylyqtyń jarqyn kórinisi
2015 jyly Astana qalasy Mádenıet basqarmasyna qarasty «Tarıhı-mádenı eskertkishter men rýhanı qundylyqtardy saqtap, qalpyna keltirý dıreksııasy» MKQK ǵylymı-zertteý bóliminiń meńgerýshisi, 2018 jyly «Atameken» Qazaqstan kartasy etno-memorıaldyq mýzeı-kesheni» mýzeı pedagogıkasy bóliminiń, aqparattyq bóliminiń, uıymdastyrý bólimderiniń meńgerýshisi bolyp, zeınetke shyǵady.
Serik Ospanov – óner zertteýshi. Basshylyq jumystyń shyrmaýynda qalyp qoımaı únemi izdeniste júrdi. Sákenniń 125 jyldyǵyna oraı «Sáken Seıfýllın – ult rýhanııatynyń kóshbasshysy», «Sáken tulǵasy tarıh tórinde» atty kitaptary, «Sáken Seıfýllınniń mýzykalyq murasy» atty ǵylymı-zertteý eńbegi jaryq kóredi. Bir sózben aıtqanda − Sákentanýshy.
2018 jyly Balýan Sholaq zertteýshi, mesenat Marat Nabıevtiń qoldaýymen «Balýan Sholaqtyń ómiri men mýzykalyq murasy» eńbegi CD dısk ánderimen, bertinde «Segiz seriniń ómiri men mýzykalyq murasy» eńbegi oqyrmannyń qolyna tıdi.
Zeınetke shyqsa da, qol qýsyryp qarap otyrmady. Ulytaý oblysy ashylǵanda kúni keshe ózi qyzmet etken óńirge oraldy. Bul kúni Ulytaý oblysynyń mádenıet, tilderdi damytý jáne arhıv isi basqarmasynyń «Oblystyq mádenı-saýyq jáne shyǵarmashylyq ǵylymı-ádistemelik ortalyǵynda» halyq shyǵarmashylyǵy bólimine jetekshilik etedi.
Túrli ónerdiń toǵysy
«Mádenıet salasynyń úzdigi» Serik Ospanovtyń eńbek jolyna arnalǵan keshte kórsetilgen beınebaıannan kórermender óner ıesiniń ómir joly men shyǵarmashylyǵymen tanysty. О́ner janashyrynyń mádenıet salasynda jaýapty basshylyq qyzmet atqaryp qoımaı, elimizde jáne shetel sahnalarynda óner kórsetken ánshi, termeshi retinde tanylǵanynyń kýási boldy.
Memleket jáne qoǵam qaıratkeri, mesenat Aıtash Álıev, Qazaqstannyń eńbek sińirgen qaıratkeri, ánshi-sazger Qorabaı Esenov, Qazaqstannyń eńbek sińirgen qaıratkeri, kúıshi-kompozıtor Jaǵypar Álimhanov, mádenıet salasynyń úzdigi Gúlsara Jıenalıeva keshtiń qadirli qonaǵy boldy. Sonymen qatar Ulytaý óńirindegi oblystyq, qalalyq, aýdandyq Ardagerler uıymdarynyń tóraǵalary men «Aq ájeler» ansambli qatysty.
О́ner zertteýshi Serik Káribaıulynyń «Ulytaý óńiri sal-serileri men ánshi, kúıshi, aqyndary» atty monografııasynyń tusaýkeser rásimi ótti. Jańa kitaptyń tusaýyn Ulytaý oblysy Ardagerler keńesiniń tóraǵasy Saǵyndyq Úsenuly, Sáken Seıfýllınniń urpaǵy Aıtash Syzdyquly jáne Shynbolat Dildebaevtyń jary, mádenıet janashyry Gúlsara Qońyrbaıqyzy kesti.
Jazýshylar men óner ıeleri jańa Konstıtýsııa jobasyn qoldady
Qoǵam qaıratkeri Aıtash Syzdyquly quttyqtaý sóz sóılep, óner ıesine dombyra tartý etti.
Qazaqstannyń eńbek sińirgen qaıratkeri Jaǵypar Álimhanov «Kókeıkesti» kúıin oryndady. Serik Ospanovtyń shákirti Gúldáýren Jıdebaeva «Aqdarıǵa» ánin shyrqady. «Ular» ádebı klýbynyń músheleri óner ıesine arnaǵan óleńderin oqydy.
Kesh sońynda qonaqtarǵa alǵys hat pen merekelik syı-sııapattar tabystaldy.
Ulytaý oblysy