Zardap shekkenderge – jan-jaqty járdem

Sýyt habar jetisimen jedel shtab qurylyp, oblystyq tótenshe jaǵdaılar departa­menti men densaýlyq saqtaý basqarmasy tarapynan medısınalyq brıgadalar jedel jasaqtalyp, zardap shekkenderge kómek kórsetildi. Qolda bar barlyq múmkindikter jumyldyryldy. Bilikti mamandar jedel jetip, sanıtarlyq avıasııa oqıǵa ornyna baǵyttaldy.

Shýchınsk qalasyndaǵy jaǵ­­­daıdy oblys ákimi Marat Ahmetjanov jedel shtab múshe­lerimen talqylady. Oqys oqıǵa­nyń saldaryn joıý sharalary, sondaı-aq zardap shekkenderdiń jaǵdaıy týraly aýdan ákimi Araı Sadyqov, tótenshe jaǵdaılar de­partamen­ti basshysynyń orynbasary Murat Qanǵojınov, den­saýlyq saqtaý basqarmasy­nyń basshysy Narıman Ermek, ju­myspen qamtýdy úılestirý jáne áleýmettik baǵdarlama­lar bas­qarmasynyń basshysy Sholpan Rahmatýllına baıandady.

«Azamattardyń qaýipsizdigi basymdyq bolyp qalýǵa tıis. Osy baǵytta qosymsha sharalar qabyldap, zardap shekken otbasylarǵa jan-jaqty qol­daý kórsetemiz», dep atap ótti M.Ahmetjanov.

Oblys ákimi zardap shekken­der men qaza bolǵandardyń otbasylaryna jan-jaqty kómek kórsetýdi, medısınalyq kómek­tiń ýaqtyly jasalýyn, jedel járdem brıgadalarynyń táý­lik boıy kezekshiligin uıym­das­tyrýdy, sondaı-aq oqıǵa sebep­­terin obektıvti tergeýdi, kiná­lilerdi jaýapkershilikke tartýdy, qaýipsizdik talaptary saq­talýynyń baqylaýyn kúsheı­týdi tapsyrdy.

Qaza bolǵandardyń jaqyn­daryna 2 mln teńge kóleminde birjolǵy tólemder berildi. Buǵan qosa dámhana ıesi qosymsha ár otbasyna 2 mln teńgeden tóledi. О́mirlik qıyn jaǵdaıǵa tap bol­ǵan 5 otbasynyń nesıeleri demeý­shilik qarajat esebinen óte­ledi. Sondaı-aq zańnamaǵa sáı­kes áleýmettik tólemder taǵa­ıyndalady.

Mundaı jaǵdaı óńirde bi­rinshi ret bolyp otyr. «Tas tús­ken jerine aýyr» demekshi,  jeti adamnyń ómirin qıǵan, ondaǵan adam kúıikke shalynyp, beınet shekken oqıǵanyń saldary ońaı bolmasy anyq. Tótenshe jaǵdaı­lar departamenti jyl boıy jylytý qurylǵylaryn paıdalaný kezinde abaı bolý keregin esker­tip-aq keledi. Sal­ǵyrttyqtyń sońy osyndaı orny tolmas oqıǵaǵa jol ashqany ókinishti.

Aqmola oblysy,

Býrabaı aýdany