Premer-mınıstr Oljas Bektenov el gazetine jarııalaǵan «Jasampazdyqqa jetelegen jeti jyl» atty maqalasynda jańa Ata zańnyń mánine toqtaldy. Onyń aıtýynsha, joba Memleket basshysynyń bastamasymen ótken ashyq talqylaýlar nátıjesinde daıyndalǵan, dep jazady Egemen.kz.
«Búginde Qazaqstan damýdyń tarıhı kezeńinde tur. Memleket basshysynyń bastamasymen keń aýqymdy ashyq talqylaý qorytyndysy boıynsha sarapshylardyń jáne ǵylymı qaýymdastyqtyń, qoǵamnyń barlyq sala ókilderiniń pikiri eskerilgen elimizdiń túbegeıli jańa Konstıtýsııasynyń jobasy ázirlendi. Jańa Ata zańymyzdyń basty ereksheligi – onyń órshil rýh pen kemel keleshekke degen umtylysynda. Qujat halyqtyń arman-muratymen úndesip jatyr», dedi Úkimet basshysy.
Jasampazdyqqa jetelegen jeti jyl
Maqalada jańa Konstıtýsııa mazmuny eldiń uzaqmerzimdi damý maqsattarymen sabaqtas ekeni atap kórsetilgen. Qujatta memlekettiń eń joǵary laýazymdy tulǵasy – Qasym-Jomart Toqaev aıqyndaǵan strategııalyq baǵdarlar kórinis tapqany aıtylǵan. Turaqty damý negizderin qalyptastyrý, birneshe býynnyń qaýipsiz ómirin qamtamasyz etý basym baǵyt retinde belgilengen.
Prezıdent – jańa Konstıtýsııanyń negizgi avtory
«Onda memlekettiń eń joǵary laýazymdy tulǵasy – Prezıdent Qasym-Jomart Toqaevtyń Qazaqstan Respýblıkasy uzaqmerzimdi turaqty damýynyń berik negizin qalap, birneshe býyn urpaqtyń amandyǵy men qaýipsiz ómirin qamtamasyz etýdegi erik-jigeri aıqyn kórinis tapqan. Men elimizdiń azamattary durys tańdaý jasap, Memleket basshysynyń bastamasyn qoldap, Qýatty, Ádiletti, О́rkendegen Qazaqstandy qurýǵa óz úlesin qosatynyna senimdimin», dedi Oljas Bektenov.
Qazaqstanda 1,3 myńnan astam jańa mektep salyndy
Osylaısha, jańa Konstıtýsııa jobasy eldiń strategııalyq damýyna qatysty negizgi qaǵıdattardy júıeleýge baǵyttalǵan qujat retinde usynyldy.