Ulytaý oblysynda kópbalaly analardy qoldaýǵa 188 mıllıon teńgege jýyq qarajat bólindi.
Halyqaralyq áıelder kúni qarsańynda Ulytaý oblystyq máslıhatynyń sheshimimen bekitilgen qaǵıdalarǵa sáıkes, óńirdegi kópbalaly analarǵa birjolǵy áleýmettik kómek kórsetildi.
Atap aıtqanda, «Altyn alqa», «Kúmis alqa» taqqan, buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan áıelderge 20 myń teńge mólsherinde tólem berildi.
Búginde óńir boıynsha atalǵan sanatqa jatatyn analardyń sany 9 375-ti quraıdy. Bul maqsatqa jalpy 187 500 000 teńge baǵyttalyp otyr.
Qazir Ulytaý oblysynda áıelder men qyz-kelinshekter sany 110 928 adamdy quraıdy, bul – oblys halqynyń 50,7 paıyzy. Analardy qoldaý men olardyń qoǵamdaǵy rólin arttyrý – óńir áleýmettik saıasatynyń basym baǵyttarynyń biri.
Ulytaý oblysy