Qazaqstandyqtar jáne álem jurtshylyǵynyń ókilderi Elbasymyzdy quttyqtaýda
Memleket basshysynyń atyna hat-habarlar kelip túsýde. О́zderiniń hattary men jedelhattarynda Qazaqstan Respýblıkasynyń resmı adamdary, azamattar men uıymdar mereıjaspen jáne Elorda kúnimen shynaıy quttyqtaýlaryn jetkizgen.
Prezıdent poshtasyna quttyqtaýlar Astanadan Qazaqstan Respýblıkasy Parlamentiniń birinshi shaqyrylymynyń depýtattary – Rysty Jumabekovadan, Lılııa Mýsınadan, Roza Qýanyshbaevadan keldi.
Astana qalasynan “Vaınah” etnomádenı ortalyǵy AQ-tyń músheleri: “Biz, elordadaǵy cheshender men ıngýshter Sizdiń ulttyq saıasatyńyzdy qyzý qoldaımyz. О́ıtkeni, biz úshin Qazaqstan jappaı qýǵyn-súrgin jyldarynda, shyn máninde tek pana bolyp qana qoıǵan joq, biz úshin jáne bizdiń urpaǵymyz úshin Otanymyzǵa aınaldy”, – dep jazady.
“Asa qurmetti Nursultan Ábishuly, Sizdi týǵan kúnińizben jáne Astana kúnimen quttyqtaımyn. Sizge halyq ıgiligi jolyndaǵy prezıdenttik qyzmetińizdiń uzaq bolýyn tileımin”, – dep jazady Batys Qazaqstan oblysyndaǵy Zelenov aýdanynda qarttar men múgedekter úıinde turyp jatqan Zınaıda Zımına. – Bizge kórsetken qamqorlyǵyńyzǵa jáne únemi nazarda ustaıtyn kóńilińizge qarttar atynan rahmet”.
Batys Qazaqstan oblysynan kelgen kelesi hatty da Shyńǵyrlaýdaǵy ınternat úıinde turatyn zeınetkerler Marııam Galıeva, Marııa Dobrısova, Baqyt Iztileýova, Aleksandr Kostıýk jáne Baqtybaı Eleýsizov joldapty.
Memleket basshysyn A.V.Seleznev atyndaǵy Almaty horeografııalyq ýchılıshesiniń oqytýshylar qaýymy men tyńdaýshylary, Astana qalasynyń Ýspen kafedraldyq shirkeýiniń birinshi nastoıateli, arhımandrıt Serapıon (Dýnaı), jyr joldaryn joldaǵan Seıit Qaıyrovtar quttyqtady.
“Biz ózimizdiń oqý ornymyzdy mysal ete otyryp, Sizdiń múmkindigi shekteýli balalarǵa qanshalyqty zor qamqorlyq kórsetip otyrǵanyńyzdy jaqsy bilemiz, – delingen Petropavl qalasyndaǵy estý qabileti tómen balalarǵa arnalǵan mektep-ınternat tárbıelenýshileri, muǵalimderi jáne dırektory J.Tájın qol qoıǵan jedelhatta. – Bizde osyndaı balalardy oqytý men tárbıeleýge arnalǵan jaqsy materıaldyq-tehnıkalyq baza bar. Biz zamanaýı estý apparattaryn qoldanamyz. Balalarǵa olardy barlyq múshesi saý adamdardyń qataryna qosatyn operasııalar jasalady. Mektep-ınternat túlekteriniń memlekettik grant boıynsha joǵary oqý oryndarynda oqýyna múmkindik bar. Bul olardyń qoǵamǵa beıimdelýine jol ashady. Biz Sizdi jaqsy kóremiz jáne keleshegimizdiń kemel bolatynyna senemiz”.
Prezıdentti Almaty qalasynan soqyrlar men kózderi nashar kóretinderge arnalǵan respýblıkalyq kitaphananyń ujymy, Mańǵystaý oblysyndaǵy densaýlyq saqtaý ardagerler qaýymdastyǵynyń tóraǵasy Sábıt Kýzanov, Qazaqstan Respýblıkasy dıabetter qaýymdastyǵynyń atynan N.Týkalevskaıa, sondaı-aq Kókshetaýdan Qazaqstannyń eńbek sińirgen qaıratkeri, “Arqa ajary” gazetiniń bas redaktory Jabal Erǵalıev jáne Qazaqstan Jastar kongresi quttyqtaǵan.
Shyǵys Qazaqstan oblysy, Kókpekti aýdanyndaǵy medısına qyzmetkerleriniń ujymy Memleket basshysyna elimizdiń densaýlyq saqtaý júıesine kórsetken udaıy qamqorlyǵy úshin alǵys aıta kelip, bylaı deıdi: “2010 jyly aýysymda 150 adam qabyldaıtyn emhanasy bar 100 adamǵa arnalǵan jańa ortalyq aýdandyq aýrýhananyń qurylysy aıaqtalatyny bul qamqorlyqtyń jarqyn kórinisi bolyp tabylady. Aýrýhana qazirgi zamanǵy dıagnostıkalyq apparattarmen, tehnıkamen jáne jabdyqtarmen jaraqtandyrylǵan”.
Nursultan Ábishuly Nazarbaevqa densaýlyq, uzaq ǵumyr jáne ıgilik tilegen quttyqtaýlar О́skemennen ekonomıka ǵylymdarynyń doktory Ý.Álimbetov pen tehnıka ǵylymdarynyń doktory, Qazaqstan Respýblıkasynyń eńbek sińirgen qaıratkeri O.Hannan, Almatydan Qazaqstan Respýblıkasy Memlekettik syılyǵynyń laýreaty, B.O.Jarbosynov atyndaǵy ýrologııa ǵylymı ortalyǵynyń dırektory M.Alshynbaevtan, Mańǵystaý oblysynan Qazaqstan Respýblıkasynyń eńbek sińirgen geolog-barlaýshysy Tursynǵalı Kóshenovten kelip tústi.
“Biz óz elimizde Sizdeı bedeldi kóshbasshy barlyǵymen maqtanamyz, – dep jazady Almatydan ujymy atynan “S.M.Kırov atyndaǵy máshıne jasaý zaýyty” AQ-tyń bas dırektory K.Ýsenko. – Biz Sizdiń qarapaıym eńbek ujymynan shyǵyp, laıyqty ómir súretin jáne eńbek etetin myqty memleket qurǵanyńyzdy maqtan etemiz”.
Memleket basshysyn ózderiniń eńbek ujymdary atynan “Bogatyr Komır” BK bas dırektory V.Shýkın, Stepnogor taý-ken-hımııa kombınatynyń bas dırektory Vıktor Beloýsov quttyqtapty. Quttyqtaýlar sondaı-aq О́skemennen “Qazsınk” JShS basshylary – prezıdenti Nıkolaı Popovıchten, basqarma tóraǵasy Álıdar О́temuratovtan jáne dırektorlar keńesiniń tóraǵasy Gennadıı Zılberbergten, sonymen qatar, “ArselorMıttal Qazaqstan” AQ-tyń úkimetpen jumysty úılestirý jónindegi dırektory Arman Qashqynbekovten keldi.
“Bizdiń bárimiz ártúrli istermen aınalysýdamyz, alaıda, bizdi ortaq Otanymyz biriktiredi, – dep jazady “Pavlodarlıft” JShS ujymy atynan V.Kotov. – Sizdiń bastamańyzdyń, qoldaýyńyzdyń, kómegińizdiń arqasynda, Qazaqstan búginde álemniń eń jyldam damýshy eliniń birine aınaldy”.
Qazaqstan katolıkteriniń arhıepıskopy Tomash Pet bylaısha tolǵanady: “Sizdi shyn júrekten quttyqtaı otyryp, búkil elimizdi Siz úshin, Papa II Ioann Pavel 2001 jyly qabyldaýda dán razy bola otyryp jeke Sizge qarata aıtqandaı: “Qazaqstan, Seni Jarylqaýshym qoldasyn!” degen ǵıbadat sózimen aqjoltaı bata berýge shaqyramyn”.
Nursultan Ábishulyn Almaty oblysynan Iýgaılar otbasy, Astanadan Ardaq Qubashev pen Tomırıs Muhıtova, Qaraǵandy oblysy, Shahtınsk qalasynan Gúlnár Nurdilláqyzy, sondaı-aq Ernar Orazalın, Hatshybek Ábdihalyqov, Jantas Rashtanovtar quttyqtady.
“Men ǵajaıypqa senemin. Nursultan Ábishuly, men Sizdi bizdiń týǵan kúnimizge qonaqqa shaqyramyn. Mynadaı tańǵajaıypty elestetip kóremin: kenet esik ashylady da, Siz kirip kele jatasyz! – dep jazady 6 shilde kúni 10 jasqa tolǵan Dıana Býrova. – Men de ózimniń altyn adam týraly ertegidegi súıikti keıipkerim Sonıa sekildi “HHI ǵasyrdyń altyn adamy” – Sizdi, Nursultan Ábishuly, kezdestiretinime senemin”.
Qazaqstan Prezıdenti N.Á.Nazarbaevtyń atyna shetelderden ony mereıtoıymen quttyqtaǵan hattar men jedelhattardyń túsýi jalǵasýda.
Ýkraınanyń 1994-2005 jyldardaǵy Prezıdenti Leonıd Kýchma mereıjas ıesin jyly lebizben quttyqtap, Nursultan Nazarbaevqa myqty densaýlyq, sarqylmas optımızm, qajymas qaırat jáne Qazaqstan men Ýkraına halyqtary dostyǵynyń budan ári nyǵaıa túsýin tileıdi.
Memleket basshysyn Qazaqstan Respýblıkasyndaǵy Tótenshe jáne ókiletti elshiler de quttyqtady.
Úndistan elshisi Ashok Sadjanhar óz hatynda N.Á.Nazarbaevtyń “Qazaqstannyń qaryshtaı ósýi, damýy jáne gúldenýine qosqan úlesi shynynda da asa zor jáne biregeı” ekenin aıta kelip, “AО́SShK-ni qurýshy retinde Siz Azııadaǵy beıbitshilik, qaýipsizdik jáne turaqtylyqtyń damýynda bıik belesterge kóterildińiz. Sizdiń munaı qoryn jáne “Bolashaq” baǵdarlamasyn qurý sııaqty bastamalaryńyz Qazaqstan úshin óte tıimdi ári paıdaly ekenin kórsetti”, – dep atap ótken.
Ýkraına elshisi N.F.Selıvon Nursultan Nazarbaevty mereıtoıymen jáne Astana kúnimen quttyqtaǵan. Hatta Qazaqstannyń turaqtylyǵy jáne tynyshtyǵymen erekshelenip otyrǵan búgingi álemdegi sanaýly memlekettiń biri ekeni aıtylady. “Munyń barlyǵyna Sizdiń kemeńgerligińizdiń jáne ult Elbasy ataǵyna laıyqty túrde ıe bolǵan memleket qaıratkeri retindegi tájirıbeńizdiń arqasynda jetý múmkin boldy”, – delingen.
Vetnam Sosıalıstik Respýblıkasynyń elshisi Vý The Hıep óz hatynda Nursultan Nazarbaevtyń atyna “mereıli mereıjasqa baılanysty eń jaqsy jáne júrekten shyqqan quttyqtaýlaryn” joldaıdy. Elshi Vetnamda N.Á.Nazarbaevtyń “Qazaqstan halqynyń lıderi, uly jańartýshy jáne qazirgi Qazaqstannyń qaıta órleýi men gúldenýine, sonymen qatar óńirde jáne álemde beıbitshilik, qaýipsizdik jáne yntymaqtastyqty qamtamasyz etý úderisine asqan zor úles qosqan jáne qosyp kele jatqan álemdik deńgeıdegi kórnekti saıası qaıratker” retinde tanymal ekeni atap aıtylǵan.
Grýzııadaǵy Ýkraına elshisi Vasılıı Sybenko N.Nazarbaevqa joldaǵan quttyqtaýynda: “Úlken de kúrdeli joldy Sizben birge júrip ótken, eń aýyr synaqtarǵa tótep bergen qazaqstandyqtar óz Otanyn jáne óz Elbasyn maqtanysh etýge barlyq jaǵynan qaqyly”, – dep jazady.
Reseı Federasııasynyń О́nerkásip jáne saýda mınıstri V.B.Hrıstenko Qazaqstan Prezıdentine týǵan kúninde budan da ózge úlken jetistikter tilep, “Sizdiń ıyǵyńyzda óz elińizdiń qaryshty damýy salmaǵynyń aýyr jaýapkershiligi jatyr ǵoı”, – deıdi.
RF FJ Memlekettik Dýmasyndaǵy RFKP fraksııasynyń jetekshisi, RFKP OK tóraǵasy Gennadıı Zıýganov óziniń quttyqtaý jedelhatynda “Postkeńestik tarıhtyń kúrdeli kezeńinde asa kemeńger, belsendi jáne barshaǵa syıly adam basqarǵan Qazaqstan Respýblıkasynyń joly aıryqsha sátti bolǵanyn” atap aıtqan.
Nursultan Nazarbaevty Reseı Prezıdenti janyndaǵy Azamattyq qoǵam ınstıtýttarynyń damýyna kómek jáne adam quqyqtary jónindegi Keńes tóraǵasy E.Pamfılova, Reseı Memlekettik Dýmasynyń turaqty damý jónindegi shaǵyn komıtetiniń tóraǵasy, Sosıalıstik Eńbek Eri, RǴA akademıgi M.Ch.Zalıhanov, tanymal músinshi Z.K.Seretelı jáne tanymal kınoakter Armen Djıgarhanıan mereıjasymen quttyqtap, alda da tabystar tileıdi.
Máskeý jáne kúlli Reseı Patrıarhy Kırıll óz hatynda Nursultan Nazarbaevty mereıjasymen quttyqtap, elimiz qol jetkizgen zor tabystardy atap ótken. “Búginde Qazaqstan rýhanı-adamgershilik qundylyqtary eldiń tolyqqandy ilgerileýshiligine saı keletin memleket úlgisi bola alatynyna men kýálik etemin” delingen patrıarhtyń quttyqtaýynda.
Reseı múftııleri keńesiniń tóraǵasy R.Gaınýtdınniń hatynda: “Sizdiń Qazaqstan Respýblıkasy basshylyǵyndaǵy jıyrma jyldan astam qyzmetińiz, Sizdiń bastamalaryńyz, Sizdiń janyńyzdyń elgezektigi, sózderińiz ben memleket isterindegi ómirlik tájirıbege qurylǵan paıymdy parasatyńyz Sizge degen shynaıy syılastyq pen búkilhalyqtyq qurmetti oıatty”, – delingen.
Nursultan Nazarbaevty mereıtoıymen jáne Elorda kúnimen quttyqtaǵan kóptegen hattar belgili korporasııalar men kompanııalardyń jetekshilerinen jáne ókilderinen kelip tústi.
Eýropa qaıta qurý jáne damý bankiniń prezıdenti Tomas Mıroý óziniń jáne ózinen burynǵy áriptesteriniń Nursultan Nazarbaevty árdaıym jaqsy dos, senimdi áriptes jáne Qazaqstannyń damýyna ózderiniń atsalysýlaryn laıyqty baǵalaı biletin jan retinde tanyǵanyn jazady.
“Shevron” korporasııasy atynan N.Á.Nazarbaevty Devıd O’ Raılı quttyqtap, mereıtoı ıesine “Qazaqstan Respýblıkasynyń baıandy bolashaǵyn qalaý jónindegi jumysynda uzaq ta salamatty ǵumyr jáne baqyt” tileıdi.
Adrıaan Van der Meer Halyqaralyq ǵylymı-tehnıkalyq ortalyqtyń basqarýshylar keńesiniń atynan Nursultan Nazarbaevty mereıjasymen quttyqtap, Qazaqstan Prezıdenti usynǵan eldi damytýdyń tujyrymdamasyna óziniń qoldaý bildiretinin jetkizedi.
“Itera” dırektorlar keńesiniń tóraǵasy I.V.Makarov Nursultan Nazarbaevqa kompanııa basshylyǵy men ujymy atynan shyn júrekten shyqqan jáne ıgi maqsattardy júzege asyrý jolynda tabystar men sáttilikter tilegen quttyqtaýlaryn jetkizgen.
Tokıo-Mısýbısı Bankiniń basqarma tóraǵasy Kasýnorı Nagaıasý Memleket basshysyn mereıjasymen jáne bizdiń elimiz qol jetkizgen zor jetistiktermen quttyqtaıdy. “Bizdiń bank úshin Qazaqstanmen ózara qarym-qatynasty nyǵaıtý basym maqsat bolyp tabylady. Biz aldaǵy ýaqytta da Qazaqstannyń damýyna qýana-qýana túrli kómek kórsetetin bolamyz” delingen hatta.
“Rýsal” kompanııasynyń bas dırektory O.Derıpaska óz quttyqtaýynda Nursultan Nazarbaevtyń ómiri – “bıik adamı ańsarlarǵa rııasyz qyzmet etýdiń jarqyn úlgisi” ekenin atap ótken.
“Qazaqstan Respýblıkasy basshylyǵyndaǵy Sizdiń san qyrly qyzmetińiz maqsatqa jetýdegi tabandylyqtyń, bıik patrıottyq sezimniń, azamattyq boryshqa adaldyqtyń aıshyqty kórinisi”, – delingen Nursultan Nazarbaevtyń atyna joldanǵan Reseıdiń “Vneshekonombank” tóraǵasy V.A.Dmıtrıevtiń quttyqtaý hatynda.
“KonokoFılıppstiń” dırektorlar keńesiniń tóraǵasy Dj.Malva Memleket basshysyn mereıjasymen quttyqtaı kele, “kompanııa Qazaqstannyń jetistikterin jáne Sizdiń elińizdiń qarqyndy damýy men gúldenýine qosyp jatqan óz úlesin maqtanysh tutatynyn” atap aıtqan.
“Bı Djı Grýpp” kompanııasynyń jáne jeke óziniń atynan Prezıdent N.Á.Nazarbaevty Frank Chapman quttyqtady. “Osy múmkindikti paıdalana otyryp, Sizdi ózińiz qol jetkizgen eleýli tabystaryńyzben quttyqtaǵym keledi, – dep jazady F.Chapman. – Sizdiń alysty kózdegen kóregen saıasatyńyzdyń arqasynda halyqaralyq ınvestorlarǵa Qazaqstanda jumys isteýge múmkindik paıda boldy”.
О́z kezeginde “Bı Djı Kazahstan” kompanııasynyń prezıdenti Mark Rollınz Memleket basshysyn ózi basqaratyn kompanııanyń “alda da Siz jáne Qazaqstan Úkimeti qoıǵan basym mindetterdi oryndaýǵa qoldaý kórsete beretinine” sendiredi quttyqtaý hatynda.
“PetroQazaqstannyń” san myńdaǵan ujymy atynan N.Á.Nazarbaevty kompanııa prezıdenti Veı Iýısıan quttyqtady. Ol Qazaqstan halqy óziniń kóp jetistikterin óz Prezıdentiniń, “búgingi eldiń ult kóshbasshysynyń” atymen baılanystyratynyn aıtady.
Sonymen qatar, Nursultan Nazarbaevty quttyqtaǵan hattar “Halyqaralyq Eýrazııa úıiniń” atynan professor A.Sarkısıannan jáne Batým teńiz portynyń (Grýzııa) dırektory Z.Shýrgaııadan keldi.
N.Á.Nazarbaevty mereıjasy jáne Astana kúnimen quttyqtaǵan jyly lebizdi quttyqtaýlar qoǵamdyq uıymdardan da kelip tústi. Atap aıtqanda, Korınf qalasynyń (Grekııa) Pontıılyq qoǵamynyń tóraǵasy I.I.Shonýstan, burynǵy otandasymyz, Qarashaı qoǵamdyq uıymdary keńesiniń atynan quttyqtaǵan B.S.Baıramqulovtan keldi.