Ázerbaıjan prezıdenti Ilham Álıev Qazaqstan Prezıdenti Qasym-Jomart Toqaevqa Nahıchevan áýejaıyna soqqyny aıyptaǵany úshin alǵys bildirdi, dep habarlaıdy Egemen.kz.
Ilham Álıev bul týraly óziniń X-tegi paraqshasynda jazdy.
«Men Qazaqstan Prezıdenti Qasym-Jomart Toqaevqa Iran memleketi tarapynan Nahıchevan áýejaıyna jasalǵan shabýyldardy aıyptaǵany jáne bizdiń elimizge Ázerbaıjan men Qazaqstan arasyndaǵy odaqtas jáne baýyrlas rýhta qoldaý kórsetkeni úshin alǵys bildiremin», delingen málimdemede.2026 jylǵy 5 naýryzda Iran aýmaǵynan ushyrylǵan drondar Nahchyvan Avtonomdy Respýblıkasynyń aýmaǵyna kirgen. Bir dron áýejaı termınalynyń ǵımaratyna soǵylsa, ekinshisi Shakarabad aýylyndaǵy mekteptiń janynda qonǵan. Keıingi derekterge sáıkes, oqıǵadan tórt adam zardap shekken.
Keıin Iran Syrtqy ister mınıstriniń orynbasary Kazem Garıbabadı Ázerbaıjandaǵy oqıǵalarǵa pikir bildirip, Islam Respýblıkasynyń kórshiles elderge shabýyl jasamaıtynyn aıtqan.