Máslıhat depýtattarynyń III respýblıkalyq forýmynda kóterilgen máseleler elimizdiń saıası júıesin odan ári jańǵyrtý jáne óńirlik damýdy jańa deńgeıge kóterý turǵysynan erekshe mańyzdy dep esepteımin. Memleket basshysy Qasym-Jomart Kemeluly Toqaev óz sózinde jergilikti ókildi organdardyń róli artyp kele jatqanyn atap ótti. Bul – elimizde júrgizilip jatqan saıası reformalardyń anyq nátıjesi.
Búginde elimizde memlekettik basqarý júıesin jańartý baǵytynda aýqymdy ózgerister júzege asyrylýda. Prezıdent bastamasymen qolǵa alynǵan reformalar aıasynda máslıhattardyń ókilettigi keńeıip, olardyń qoǵam ómirindegi orny nyǵaıa tústi. Ásirese, jergilikti deńgeıdegi sheshimderdi qabyldaý barysynda halyqtyń pikirin eskerý, qoǵamdyq baqylaýdy kúsheıtý jáne óńirlerdiń derbestigin arttyrý máseleleri erekshe nazarǵa alynyp otyr.
Senat depýtaty retinde aıtarym, Parlamenttiń joǵarǵy palatasy óńirlerdiń múddesin qorǵaýda jáne jergilikti bastamalardy qoldaýda mańyzdy ról atqarady. Senat pen máslıhattardyń ózara tıimdi baılanysy eldegi zańnamalyq bastamalardyń sapasyn arttyryp, óńirlerdegi ózekti máselelerdi júıeli túrde sheshýge múmkindik beredi. О́ıtkeni biz óńirlerdegi naqty jaǵdaıdy, halyqtyń suranysyn eń aldymen jergilikti depýtattar arqyly bilemiz.
Máslıhat depýtattaryna mańyzdy mindet júkteldi
Qazirgi tańda elimizdiń aımaqtarynda áleýmettik-ekonomıkalyq damý máseleleri, ınfraqurylymdy jańartý, aýyldyq eldi mekenderdi damytý, kásipkerlikti qoldaý, turǵyndardyń ómir sapasyn arttyrý sııaqty mańyzdy mindetter tur. Bul mindetterdi tıimdi iske asyrýda máslıhat depýtattarynyń belsendiligi men jaýapkershiligi aıryqsha mańyzǵa ıe. Sebebi máslıhat – halyqtyń senim mandatyna ıe bolǵan ókildi organ.
Toqaev: Máslıhattardyń ókilettigin odan ári keńeıtip, naqtylaı túsý qajet
Sonymen qatar jergilikti basqarý júıesin jetildirý – memlekettik saıasattyń basym baǵyttarynyń biri. Aýyl ákimderin tikeleı saılaý tájirıbesi, jergilikti bıýdjetterdiń múmkindigin keńeıtý, óńirlerdiń ekonomıkalyq derbestigin arttyrý sekildi bastamalar elimizdegi demokratııalyq ınstıtýttardyń nyǵaıa túskenin kórsetedi. Mundaı ózgerister halyqtyń memleket basqarýyna degen senimin arttyryp, qoǵamdaǵy jaýapkershilik mádenıetin qalyptastyrýǵa yqpal etedi.
Máslıhat depýtattarynyń respýblıkalyq forýmy – tájirıbe almasyp, ózekti máselelerdi ashyq talqylaıtyn mańyzdy alań. Munda aıtylǵan usynystar men pikirler óńirlik saıasatty jetildirýge, sondaı-aq jergilikti ózin-ózi basqarý ınstıtýttaryn nyǵaıtýǵa baǵyttalǵan naqty sheshimderdiń qabyldanýyna negiz bolady dep senemin.
Prezıdent: Máslıhattar tolyq sıfrlyq memleket qurý máselesine belsendi atsalysýy qajet
Eń bastysy – bizdiń barlyq jumysymyzdyń túpki maqsaty halyqtyń ál-aýqatyn arttyrý, óńirlerdiń turaqty damýyn qamtamasyz etý jáne ádiletti qoǵam qurý ekendigin umytpaýymyz kerek. Osy baǵytta Parlament Senaty, máslıhattar jáne atqarýshy bılik organdary birlese jumys istegende ǵana naqty nátıjege qol jetkize alamyz.
Bekbolat ORYNBEKOV,
Senat depýtaty