Respýblıkalyq referendým aıasynda ótip jatqan «Referendým – 2026» onlaın marafony jalǵasyp jatyr. 09:00-de bastalǵan is-sharanyń alǵashqy saǵattarynda qoǵamdaǵy ózekti máseleler talqylanyp, ınnovasııalyq jobalar tanystyryldy, dep jazady Egemen.kz.
Medıa keńistikte alǵash ret onlaın marafondy jýrnalıster robot-júrgizýshimen birge resmı túrde bastady.
Marafonnyń tok-shoý alańynda el úshin ózekti «Inklıýzıvti qoǵam» jáne «Bala tárbıesi: dástúr men zamanaýı ádistiń qaıshylyǵy» taqyryptary talqylandy. «Inklıýzıvti qoǵam» taqyrybyndaǵy dıskýssııa barysynda erekshe qajettiligi bar azamattarǵa teń múmkindik jasaý, qoljetimdi orta qalyptastyrý jáne qoǵamdaǵy ózara qurmet mádenıetin damytý máseleleri sóz boldy. Sarapshylar ınklıýzııanyń bilim berý júıesindegi, eńbek naryǵyndaǵy jáne qoǵamdyq keńistiktegi róline toqtaldy.
Vashıngton, Nıý-Iork, Ottava qalalarynda referendým ýchaskeleri ashyldy
«Bala tárbıesi: dástúr men zamanaýı ádistiń qaıshylyǵy» taqyrybyn talqylaý kezinde qazirgi qoǵamdaǵy tárbıe tásilderiniń ózgerýi, ulttyq qundylyqtar men zamanaýı psıhologııanyń úılesimi, sondaı-aq ata-analardyń jaýapkershiligi syndy máseleler kóterildi. Bul týraly otbasylyq psıholog Erjan Myrzabaev: «Ár dástúrdiń ozyǵy bar, tozyǵy bar. Dástúr – belgili bir kezeńde halyqtyń ómir súrýine yńǵaılanǵan ádet-ǵuryptardyń jıyntyǵy. Sondyqtan keıbir dástúrler bir zamanda ózekti bolsa, basqa ýaqytta ózektiligin joǵaltýy múmkin», dep dástúr men zaman talabynyń ushtasýynyń mańyzdylyǵyn atap ótti. Spıkerler bala tárbıesi qaı qoǵamda da, qaı jasta da mańyzdy degen ortaq paıymǵa toqtaldy.
Medıa sharada alǵash ret uıymdastyrylǵan ınnovasııa alańynda otandyq ónertapqyshtardyń erekshe jobalary da tanystyryldy. Atap aıtqanda, DSP dıagnozy bar adamdarǵa óte qolaıly jasalǵan jańa arba kóremenge usynyldy. Bir qyzyǵy, osy quraldy júzege asyrǵan avtor Máýlen Bekturǵanovqa robot-júrgizýshi suraqtaryn qoıyp, qoǵam úshin paıdaly ekenin atap ótti. Suhbat sońynda robot bıimen kópshilikti tańqaldyrdy.
Referendýmda daýys bergender sany 64,43 paıyzǵa jetti
Onlaın marafon aıasynda Ortalyq referendým komıssııasy janyndaǵy press-ortalyqtyń referendým barysy týraly resmı aqparat ta usynylyp jatyr. Atap aıtqanda, daýys berý ýchaskeleriniń ashylýy, daýys berýdiń bastalýy, sheteldegi ýchaskelerdiń jumysy jáne azamattardyń kelý belsendiligi týraly málimetter jarııalandy.
Baıqaýshylar: Daýys berý prosesi zańnamaǵa sáıkes ótip jatyr
«Referendým – 2026» onlaın is-sharasy aıasynda kórermenderge osy ýaqytqa deıin belgili ónerpazdar men óner ujymdary, atap aıtqanda Ulttyq ulanynyń erler hory, elektro dombyramen óner kórsetetin sheber – Aqtoty Bolysheva, Rýhııa Baıdúkenova men «Joshy» etno-folklorlyq ansambli, «Altyn dombyra» toby óner kórsetti.
Aıta keteıik, qoǵamdaǵy mańyzdy taqyryptardy talqylap, sarapshylar men mamandardyń pikirin ortaǵa salýǵa jáne eldegi ınnovasııalyq bastamalardy keńinen tanystyrýǵa múmkindik beretin onlaıyn marafon saǵat 09:00-01:00 aralyǵanda 16 saǵatqa jalǵasady.