Ekologııalyq qaýipsizdikke – basty nazar

Keshe Astanada Qazaqstan Respýblıkasy prezıdenttigine kandıdat Ábilǵazy Qusaıynovtyń saılaýaldy shtabynyń ashylýy bolyp ótti. Á.Qusaıynov óziniń respýblıkalyq saılaýaldy shtabynyń basshysy Rústem Jolamandy tanystyrsa, ol óz kezeginde shtabtyń taıaý bolashaqtaǵy jumys jos­pary týraly aıtyp berdi. «Qazaqstan Respýblıkasy prezı­denttigine kandıdat Á.Q.Qusaıynovtyń shtaby óz jumysyn bastady. Aldymyzda kóp jumys kútip tur. Prezıdenttikten úmitkerden de óte kóp tapsyrmalar bar. Biz úgit-nasıhat naýqanyn buqara­lyq aqparat quraldary arqyly, bas­pasóz jáne elektrondy BAQ arqyly júrgizetin bolamyz. Biz saılaýshylarmen túrli oblystarda kezdesemiz dep josparlap otyrmyz. Biz qazir senim bildirilgen adamdarmen úlken jumystarǵa daıyndalý ústindemiz, olar óz kezeginde biz­diń kandıdattyń tuǵyrnamasyn ár saılaý­shyǵa deıin jetkizýge tıis. Qysqasy, senim bildirilgen adamdar halyqtyń barynsha kóp bóligin qamtýǵa umtylatyn bolady», dep atap ótti R.Jolaman. Ústimizdegi jyldyń 26 naýryzy men 24 sáýiri aralyǵyndaǵy úgit jumystary kezeńinde respýblıkalyq jáne óńirlik shtabtar birqatar uıymdastyrýshylyq sharalaryn ótkizýdi josparlasa, olardyń arasynda óńirlerde saılaýshylarmen kezdesýler, senim bildirilgen adamdarmen kezdesýler uıymdastyrý, buqaralyq aqparat quraldarynda saılaýaldy úgitterin ótkizý bar. R.Jolaman atap kórsetkendeı, shtab tarapynan úgit jumystary jos­parlansa, osyǵan sáıkes kóptegen kezdesýler ótkiziletin bolady. Atap aıtqanda, jekelegen kásiporyndardyń eńbek ujymdarymen, sharýa qojalyqtarymen jáne fermerlik sharýashylyqtarmen kezdesýler belgilengen. Qazaqstannyń barlyq óńirinde saılaýaldy shtaby qurylyp, senim bildirilgen adamdar tirkelgen. Ár aýdanda el zańnamasynda qaras­tyrylǵan úgit sharalarynyń barlyq keshenin ótkizý boljanyp otyr. Shtabtyń ashylýy kezinde Á.Qu­saıynov saılaýaldy baǵdarlamasynda kóteriletin máselelerdiń kókeı­kes­ti­ligin atap ótip, osy ózekti problemalarǵa jurt­shylyqtyń nazaryn aýdarý qajet­tigin kóldeneń tartty. Atap aıtqanda, ekologııany saqtaý máseleleri. Qazaqstan Respýblıkasy pre­zıdenttigine kandıdat Á.Q.Qusaıynov tuǵyrnamasynyń negizgi maqsaty týraly aıtatyn bolsaq, onda adam damýy oraıynda ekologııalyq turǵydan qaýipsiz ilgerileýge kóshý mindetterin qarastyrý, kez kelgen máselede ekologııa problemalarynyń esepke alynyp otyrýy qajettigin kórsetý, ásirese, ónerkásip qaýipsizdigi asa ózekti másele ekenine nazar aýdarý kózdeledi. Á.Qusaıynovtyń pikirinshe, ekologııalyq saıasatty jańǵyrtý jáne ekologııalyq damýǵa kezeń-kezeńimen kó­shýde azamattyq qoǵamnyń róli máse­lesine erekshe nazar aýdarylýy tıis. Sondaı-aq, Á.Qusaıynov óziniń saı­laýaldy baǵdarlamasynda ónerká­siptik qaýipsizdik pen tehnıkalyq regla­mentterdi saqtaý qaǵıdattaryna múm­kindiginshe basa nazar aýdarylýy qajet­tigin atap kórsetedi. О́sýdiń negizgi kózi – ekonomıkany ekologııalyq taza, qaldyǵy az tehnologııalarǵa kóshirý, ıaǵnı qorshaǵan ortany kózdiń qarashyǵyndaı saqtaý qaǵıdatyn qalyptastyrý, dep sanaıdy prezıdenttikten úmitker Á.Qusaıynov. Osyndaı jaǵdaıda bizdiń básekege qabilettiligimiz, qoǵamnyń ál-aýqaty men ómir sapasy údemeli túrde artatyn bolady. Al buǵan, joǵaryda atap kórsetilgenindeı, qorshaǵan ortaǵa oń kózqaras qalyptastyrýdy qamtamasyz etý múmkindik beredi. Ekologııalyq tepe-teńdik pen óndiristik qaýipsizdikti saqtaý ıdeıasyn taratýda barlyq qoǵamdyq uıymdardy qosa alǵanda, onyń ishinde kásibı ınstıtýttar da bar, azamattyq qoǵam qurylymdary erekshe ról atqarýy tıis. Osyndaı ınstıtýttardy ortalyqta jáne óńirlerde damytý sarapshylyq qoǵamdastyq pen azamattyq qoǵamnyń kúsh-jigerin ekologııalyq damýdy qamtamasyz etý úshin ekonomıkany jańǵyrtýdyń naqty joldary men ádisterin aıqyndaýda toptastyra túsýge oń yqpal etetin bolady. Á.Qusaıynovtyń saılaýaldy baǵ­dar­lamasynda ónerkásip qaýipsizdigi máseleleri aıtarlyqtaı oryn alady. Á.Qusaıynov kásiporyndar qyz­metiniń ónim men úderister qaýip­sizdigin qamtamasyz etýge múddeliligi alǵashqy oryndardyń birine shyǵýy úshin júıeli qoǵamdyq baqylaý qajet degen kózqarasta. Ábilǵazy Qusaıynov Qazaqstan Res­pýblıkasynyń Prezıdenti laýazymyna óziniń kandıdatýrasyn 2015 jyldyń 12 naýryzynda ilgeriletken edi. Ortalyq saılaý komıssııasy aıqyn­daǵan barlyq rásimderden tabysty ótken ol 2015 jyldyń 18 naýry­zynda Qazaqstan Respýblıkasy prezı­dent­tigine úshinshi kandıdat retinde tirkelgen bolatyn. Prezıdenttikke kandıdat Á.Qusaıy­novty qoldaǵan 132 myń 152 saılaý­shynyń qoly jınalǵan-tyn jáne olar durys dep tanylǵan edi.