Prezıdent: Ǵylym men adam kapıtaly – el damýynyń basty baǵyty

Prezıdenttiń aıtýynsha, ǵylymda nátıjege qol jetkizý úshin adam kapıtalyna basa mán bergen jón. «Biz óskeleń urpaqqa tárbıe berý men azamattardy qoldaýdy áleýmettik ádildik, jasampaz otanshyldyq jáne eńbekqorlyq turǵysynan qaıta qaraýymyz kerek. Bul – paternalızm modelinen adam men onyń qabileti basty resýrsqa aınalatyn órkenıetti transformasııalaý úlgisine ótý degen sóz. Sondyqtan jańa Konstıtýsııamyzdyń, eń aldymen, adamǵa baǵdarlanýy tegin emes», dedi Memleket basshysy.

Biz Jańa Konstıtýsııada adam kapıtalyn, bilimdi, ǵylymdy, ınnovasııany damytýdy memleket qyzmetiniń strategııalyq baǵyty retinde bekittik. Endi bárimiz bul maqsatty mindetti túrde iske asyrýymyz kerek. Basqa jol joq. Bul – óte kúrdeli mindet, ony túsinýimiz kerek. Osy maqsatqa qol jetkizý úshin ǵylym qaýymdastyǵy kásibı biliktilik, adaldyq jáne otanshyldyq qasıetterin tanytýy qajet. Men sizderge úmit artamyn», dedi Memleket basshysy.

Memleket basshysy: Ǵylymdy qarjylandyrý isine qatań tártip kerek

Memleket basshysynyń aıtýynsha, eldiń shynaıy jańarýy saıası urannan emes, quqyqtyq irgetasymyzdy jańasha qalyptastyryp, bekitýden bastalady. «Biz bir el, bir jurt bolyp osy asa mańyzdy jumysqa kiristik. Jańa Konstıtýsııa eldigimizdiń tiregi, egemendigimizdiń tuǵyry bolady. Onyń ár baby, ár tarmaǵy eldigimizdi nyǵaıta túsedi. Biz Uly dalanyń myńdaǵan jyldyq tarıhynyń sabaqtastyǵyn saqtaýǵa basa nazar aýdardyq. Babalarymyz áýel bastan quqyqtyq memleket qurýǵa erekshe mán bergen. Qasym hannyń qasqa joly, Esim hannyń eski joly, áz Táýkeniń Jeti jarǵysy – sonyń aıqyn dáleli. Qýatty, Kúshti, Básekege qabiletti Qazaqstannyń jańa Jarǵysy – jańa tarıhı, geosaıası jaǵdaıdaǵy biregeı qujat. Onyń tarıhymyzdaǵy orny erekshe. Bul – azamattarymyzdyń arman-tileginen, maqsat-muratynan týǵan qasterli qujat, shyn mánindegi Halyq Konstıtýsııasy», dedi Qasym-Jomart Toqaev.  Memleket basshysy Patrıot degenimiz – óz jumysyn kez kelgen orynda, meıli, ýnıversıtet, mektep, aýrýhana, kásiporyn nemese mınıstrlikte bolsyn, óz qyzmetin adal atqaratyn adamdar ekenin basa aıtty.   Toqaev: Ǵylymı ázirlemelerden aýyz toltyryp aıtarlyq ekonomıkalyq áser ázirge joq «Áskerı qyzmet týraly aıtpasaq ta bolady. Bul arada barlyq mamandyqty tizip shyǵý mindet emes shyǵar. Jumystyń jamany bolmaıdy», dedi Q.Toqaev.