2026 jylǵy 26 naýryzda Ulttyq ekonomıka mınıstrliginiń Tabıǵı monopolııalardy retteý komıteti moratorıı aıaqtalǵannan keıingi tarıftik saıasat máselelerin talqylaýǵa arnalǵan dóńgelek ústel ótkizdi. Is-sharaǵa memlekettik organdar, sarapshylar jáne qoǵam ókilderi qatysty, dep jazady Egemen.kz.
Talqylaý barysynda jylýmen, elektrmen, sýmen jabdyqtaý jáne sý burý, sondaı-aq gazben qamtamasyz etý salalaryndaǵy tarıftik retteý negizgi baǵyttary qaraldy. Úkimet qabyldaǵan sharalar kesheni azamattardyń tabysyn qorǵaýǵa jáne ınflıasııany 10%-dan tómen deńgeıde ustaýǵa baǵyttalǵany atap ótildi.
Naýryz aıynyń sońyna deıin kommýnaldyq tarıfterdi kóterýge moratorıı halyqqa túsetin qarjylyq júktemeniń ósýin boldyrmaýǵa jáne úı sharýashylyqtarynyń turaqtylyǵyn saqtaýǵa múmkindik berdi. Dóńgelek ústel qorytyndysy boıynsha moratorıı aıaqtalǵannan keıin tarıftik saıasat kezeń-kezeńimen jáne teńgerimdi túrde júzege asady, bul halyqqa túsetin júktemeni mınımaldy deńgeıde saqtaýǵa múmkindik beredi.
Kommýnaldyq ınfraqurylymdy jańǵyrtýǵa erekshe nazar aýdaryldy. Investısııalyq jobalar bekitilgen kestege sáıkes tolyq kólemde jalǵasyp jatyr, bul jelilerdiń tozýyn tómendetýge jáne qyzmet kórsetý senimdiligin arttyrýǵa baǵyttalǵan. Memlekettik tarıftik saıasattyń basty qaǵıdaty – tutynýshylar men tabıǵı monopolııa sýbektileriniń múddesin teńgerimdi qorǵaý.
Memlekettik tapsyrysqa moratorıı: Jekemenshik mektepterdiń qarjylandyrylýy túbegeıli ózgeredi
Qabyldanǵan sharalardyń jıyntyq áseri 2026 jyly ınflıasııalyq úderisterge baqylaýdaǵy jáne ekonomıka men azamattardyń tabystary úshin qaýipsiz deńgeıde yqpal etýge múmkindik beredi. Sonymen qatar áleýmettik mańyzy bar azyq-túlik taýarlarynyń baǵasyn turaqtandyrý sharalary qaraldy: elektr energııasy baǵasynyń jáne temirjol tasymaldary tarıfteriniń ósýi tejeý arqyly ónimniń ózindik quny tómendetiledi.
Áleýmettik turǵydan osal azamattar úshin turǵyn úı kómegi mehanızmi arqyly qosymsha qoldaý kórsetiledi, bul kommýnaldyq qyzmetterge jumsalatyn shyǵyndardy óteýge baǵyttalǵan.
О́temdik tarıf: Qaraǵandyda kommýnaldyq qyzmet baǵasy 2027 jylǵa deıin tómendetildi
Dóńgelek ústel qorytyndysy boıynsha tarıftik saıasatty jetildirýdiń negizgi baǵyttary anyqtaldy, olar – kommýnaldyq qyzmetterdiń qoljetimdiligin saqtaý, ınfraqurylymnyń sapasy men senimdiligin arttyrý jáne halyq múddesin qorǵaý.
Osylaısha, moratorıı aıaqtalyp, naqty jáne teńgerimdi tarıf saıasaty kezeńi bastaldy, bul júıeniń uzaq merzimdi turaqtylyǵy men áleýmettik ádildikti qamtamasyz etýge baǵyttalǵan.
Elordada tarıf baǵasyn negizsiz kótergen kásiporyn 54 mln teńge aıyppul tóledi