ASTANA. 14 mamyr. Halyqaralyq koalısııanyń Iraktyń soltústiginde jasaǵan áýe soqqylarynyń nátıjesinde «Islam memleketi» basshysynyń orynbasary Abý Alıa Al-Afarı qaza boldy. Bul týraly lenta.ru habarlady.
«Barlaý derekterine sáıkes, koalısııa kúshteri júrgizgen áýe soqqylarynyń maqsaty «Islam memleketi» basshysynyń orynbasary Abý Alıa Al-Afarıdiń kózin joıý bolǵan», – dep málimdedi Irak qorǵanys mınıstrliginiń ókili.
BBC News habarlaǵandaı, áýe soqqylary jasalyp jatqan kezde Al-Afarı Tall-Afar qalasyndaǵy meshitte bolǵan. AQSh áskerleri men «Islam memleketi» ázirge onyń qaza bolǵany jónindegi habardy rastaǵan joq. Al Irak qorǵanys mınıstrligi Al-Afarımen birge taǵy ondaǵan sodyrdyń kózi joıylǵanyn málimdedi.
Aıdar О́risbaev.
Derek: lenta.ru.
Sýret: ap.org.