Aqtóbe oblysynda «Aqtóbe – Almaty» baǵytyndaǵy jolaýshylar poıyzynda bolǵan adam óltirý deregi boıynsha sot úkimi shyqty. Bul týraly 27 naýryzda Qazaqstannyń Bas kólik prokýratýrasynyń baspasóz qyzmeti habarlady, dep habarlaıdy Egemen.kz.
Qadaǵalaý organynyń málimetinshe, qaıǵyly oqıǵa ótken jyldyń qazan aıynda qyzmettik sapar kezinde bolǵan. Poıyzdyń dámhana ornalasqan vagonynda úsh áriptes alkogoldik ishimdik ishken. Osydan keıin eki er adamnyń arasynda janjal týyndaǵan.
«Vagonnyń tambýrynda jolaýshylardyń biri áriptesine birneshe ret pyshaq jaraqatyn salǵan. Alǵan jaraqattarynyń saldarynan ol oqıǵa ornynda kóz jumdy», dep habarlady Bas kólik prokýratýrasy.
Sot aıyptalýshyny Qylmystyq kodekstiń 99-baby 1-bóligi boıynsha kináli dep tanyp, ony 9 jylǵa bas bostandyǵynan aıyrdy. Úkim zańdy kúshine endi.
Shymkentte balalaryn qorlaǵan anaǵa sot úkimi shyqty