«Qazaqstannyń Damý Banki» AQ «RG Brands Kazakhstan» JShS úshin 3 mlrd. teńge kóleminde 39 aıǵa nesıe jelisin ashty. Bul týrly banktiń baspasóz qyzmeti habarlady. Sonyń arqasynda kompanııa 2015-2019 jyldar aralyǵynda eksportqa shyǵaratyn ónimderdi 25 paıyzǵa arttyrmaqshy.
Qazaq Air áýe kompanııasy ushaq bıletterin sata bastady. Kompanııa baspasóz qyzmetiniń málimdeýinshe, bıletterdi flyqazaq.com saıty jáne áýe agenttikteri arqyly alýǵa bolady. Qazaq Air jolaýshylar tasymaldaý qyzmetin 27 tamyzdan bastaýdy kózdep otyr.
Keshe Astanada «Mektepke jol» aksııasy sheńberinde az qamtylǵan 100 otbasyna 1 mln. teńgege kómek kórsetildi. Jalpy, osy bastama qolǵa alynǵan 1 tamyzdan beri 30 myńnan astam balaǵa 276 mln. 835 myń teńgege qoldaý jasalǵan. Shara 30 qyrkúıekke deıin jalǵasady.
Almaty oblysynyń «BeNT» zaýyty men «Astana EKSPO-2017» UK 45,9 mln. teńgege kelisimshart jasasty. Ulttyq kompanııanyń baspasóz qyzmeti taratqan málimetke súıensek, atalǵan kásiporyn EKSPO-nyń qurylys jumystaryna temirbeton konstrýksııalaryn, shpaldar jáne tireýishterdi jetkizetin bolady.
Ońtústik Qazaqstannan Almatyǵa 305 tonna aýyl sharýashylyǵy ónimderi jóneltildi. Oblys ákiminiń baspasóz qyzmeti ónimderdiń jalpy quny 140 mln. teńgeni quraıtynyn habarlady.
Qyzylorda oblysynyń Aral aýdanynda bir kúnde úsh mektep ashyldy. Aýdan ákiminiń baspasóz qyzmeti keltirgen derekter boıynsha, keshe Toqabaı eldi mekeninde – 140, Qosamanda – 100 jáne Jańaqurylysta 200 oryndyq bilim ordalary paıdalanýǵa berildi.
Soltústik Qazaqstanda Astana-Petropavl tasjolyn jóndeýge 11 mlrd. teńge bólindi. Investısııalar jáne damý mınıstrligi avtokólik joldary komıteti tóraǵasynyń orynbasary Amangeldi Bekovtiń aıtýynsha, qazir Kelleerovkadan Petropavlǵa deıingi jolda jóndeý jumystary júrgizilýde. Oǵan 300-den astam tehnıka men 1 000 adam tartylǵan.
Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha daıyndaldy.