Qurmet

Munaıly ólkedegi Qalamy qarym­dy qalamgerdiń biri – Jolaman Boshalaq. О́tken ǵasyrdyń 70-shi jyldarynan beri júregi qalaǵan kásibi – jýrnalıstıkaǵa adaldyǵynan jańylmady. Osy salada taban aýdarmastan 40 jyldan astam jemisti eńbek etti. Aýdandyq basylymnan arna tartqan eńbek joly tek baspasózben baılanysty órildi. Qalamynan shyqqan týyndylarynda maıly qııanǵa aınalǵan Mańǵystaý óńiriniń túıtkildi máselelerin keńinen tolǵady. О́ńirdegi jaqsy isterdi oqyrmanǵa jetkizýge asyqty. Áýlıeler mekenindegi jasampaz istermen birge, aıtýly adamdary jóninde de qalam terbedi. Jolaman aǵamyz taqyryp tal­ǵamaı jazatyn qalamger ǵana emes, áriptesterin jaqsy isterge uıystyra biletin tamasha basshy bolýymen de tanyldy. Telearnany da basqardy, ásirese, «Mańǵystaý» gazetine bas redaktorlyq etken jyldarda uıym­das­tyrýshylyq qabileti jar­qyraı kórindi. Áriptes aǵamyz­dyń ózi el basylymy – «Egemen Qazaq­stannyń» Mańǵystaýdaǵy menshikti tilshisi qyzmetin atqarǵan jyldaryn ómiriniń bir belesine balaıdy. Jaqynda «Egemenniń» ardageri Jolaman Boshalaqty Jylyoı aýdanynyń ákimi Maqsym Izbasov arnaıy shaqyryp, erekshe qurmet kórsetti. О́ıtkeni, Jolaman aǵa­myz osy aýdanda dúnıege kelip, osy aýdannan úlken ómirge qa­nat qaqqan. Ony udaıy aıtyp jú­redi. Baýyrmaldyǵymen, adamı qasıetterimen barshaǵa tileýles bolyp júretin Jolaman Boshalaqqa Jylyoı aýdanynyń qurmetti azamaty ataǵy berildi. – Eldiń yqylasynan artyq ne bar? Ásirese, týǵan jerdegi jaqsy isterge súısinip, jerlesterdiń ystyq yqylasyna bólengenge, qurmetin kórgenge ne jetsin! – dep aǵynan jaryldy Jolaman aǵa. Joldasbek ShО́PEǴUL, «Egemen Qazaqstan». Atyraý oblysy.