Premer-mınıstrdiń birinshi orynbasary Roman Sklıar Koreıa Respýblıkasy Prezıdentiniń arnaýly ókili – Prezıdent Ákimshiliginiń basshysy Kan Hýn Shıkpen jáne Koreıa Respýblıkasynyń Saýda, ónerkásip jáne resýrstar mınıstri Kım Chon Kvanmen kezdesti.
Kelissóz barysynda taraptar saýda-ekonomıkalyq, ınvestısııalyq yntymaqtastyqqa, sondaı-aq energetıka men ónerkásip salalaryndaǵy birlesken jobalardy júzege asyrýǵa basa nazar aýdara otyryp, ekijaqty yntymaqtastyqty damytý jaıyn talqylady. Investısııalyq áriptestikti keńeıtý múmkindigi, sonyń ishinde koreıalyq kompanııalardyń munaı-gaz jobalaryna, taý-ken, metallýrgııa ónerkásibine, sondaı-aq ıadrolyq energetıkany damytýǵa qatysýy qarastyryldy. Sonymen qatar Úkimetaralyq komıssııanyń kelesi otyrysyna daıyndyq máseleleri de sóz boldy.
Kezdesý qorytyndysynda strategııalyq seriktestikti odan ári nyǵaıtýǵa, birlesken bastamalardy júzege asyrýǵa ózara mindetteme rastaldy.