Ulytaý oblysynda «Taza Qazaqstan» ekologııalyq aksııasy aıasynda senbilik uıymdastyryldy. Onyń barysynda Jezqazǵan, Sátbaev qalalarynda jalpy aýmaǵy 22 ga jer qoqystan tazartylyp, abattandyryldy.
Tazalyq sharasyna óńirdiń barlyq qala-aýdanynan 380 ujym qatysyp, 5 myńǵa jýyq erikti, mekeme qyzmetkeri men jastar belsendilik tanytty. Senbilik jumysyna 107 arnaıy tehnıka jumyldyryldy. 1152 tonna qatty turmystyq qaldyq shyǵarylyp, 140 ga aýmaq tazartyldy. Qaldyqtardy suryptap jınaýǵa arnalǵan 400-ge jýyq ekoboks ornatyldy.
Ekologııalyq mádenıetti qalyptastyrý, qorshaǵan ortany taza ustaý, tabıǵatty aıalaý – árbir azamattyń mindeti. О́ńirdiń ekologııalyq jaǵdaıyn jaqsartýǵa turǵyndardyń ǵana emes, kópshilik jastardyń, oqýshylardyń da atsalysýy qorshaǵan ortaǵa degen janashyrlyq pen jaýapkershiliktiń artyp kele jatqanyn ańǵartady. Senbilikter tazalyq, abattandyrý aılyǵy kezinde apta saıyn uıymdastyrylady.
Ulytaý oblysy