Shańhaı qalasynda Qazaqstannyń ulttyq áýe kompanııasy Air Astana júzege asyratyn Almaty – Shańhaı baǵyty boıynsha jańa tikeleı áýe reısin saltanatty túrde ashyldy, dep habarlaıdy Egemen.kz.
Bul reıstiń ashylýy Qazaqstan Respýblıkasy men Qytaı Halyq Respýblıkasy arasyndaǵy ekijaqty, ásirese ekonomıkalyq saladaǵy yntymaqtastyqty odan ári damytýǵa qosymsha serpin beredi.
Qazaqstan Respýblıkasynyń Shańhaı qalasyndaǵy Bas konsýly Nurlan Aqqoshqarov is-sharaǵa qatysyp, Almaty-Shańhaı arasyndaǵy jańa baǵyttyń ashylýy ekijaqty ózara is-qımyldy tereńdetýge, saýda-ekonomıkalyq jáne ınvestısııalyq áriptestikti keńeıtýge, sondaı-aq eki el arasyndaǵy gýmanıtarlyq baılanystardy jandandyrýǵa baǵyttalǵan strategııalyq mańyzdy qadam ekenin atap ótti.
Tashkent – Atyraý baǵytynda jańa áýe reısi ashylady
Jańa baǵyttyń 2026 jylǵy 7–10 sáýir aralyǵynda Shańhaı qalasynyń meri Gýn Chjenniń Qazaqstanǵa jasaǵan sapary kezinde ashylýy erekshe mánge ıe boldy. Bul qadam 2025 jylǵy maýsymda ornatylǵan Almaty men Shańhaı qalalary arasyndaǵy baýyrlastyq baılanystardy nyǵaıtýdyń jarqyn dáleline aınaldy.
Saltanatty is-sharaǵa Air Astana basshylyǵy, Shańhaı qalasynyń Syrtqy ister basqarmasynyń ókilderi, sondaı-aq megapolıstiń memlekettik organdary men iskerlik toptardyń jetekshileri qatysty. Bul taraptardyń óńiraralyq yntymaqtastyqty odan ári damytýǵa joǵary deńgeıde múddeli ekenin kórsetti.
AQSh-qa tikeleı áýe reısin ashý maqsatynda elimizge Boeing 787 Dreamliner ushaqtary jetkiziledi
Air Astana áýe kompanııasynyń jańa reısti iske qosýy tikeleı áýe tasymalyna degen ósip kele jatqan suranysqa jaýap beredi jáne Qazaqstannyń kólik qoljetimdiligin arttyrýǵa yqpal etedi. Jańa baǵyttyń ashylýy Qazaqstan men Qytaı arasyndaǵy strategııalyq seriktestikti nyǵaıtýǵa qosymsha serpin berip, óńiraralyq yntymaqtastyq pen ekijaqty qatynastardyń odan ári jandanýyna yqpal etetin bolady.
Sonymen qatar, bul Qazaqstannyń Qytaıdy Ortalyq Azııamen, Kavkazben, Taıaý Shyǵyspen jáne Eýropamen baılanystyratyn negizgi tranzıttik hab retindegi rólin kúsheıtedi.